Byw

Croeso i Tai

Croeso i hafan Adran Dai Cyngor Bwrdeistref Sirol Castell-nedd Port Talbot. Gobeithio y byddwch yn cael y wybodaeth ar y wefan yn ddefnyddiol ac yn hawdd i'w deall wrth i chi chwilio am gartref neu am wybodaeth ar ein gwasanaethau.

Lleolir Castell-nedd Port Talbot i'r Gorllewin o Ben-y-Bont ac i'r De o Abertawe. I'r gogledd mae Powys, ac i'r De ceir Môr Hafren.

Mae'r Fwrdeistref yn mwynhau gwasanaeth da o ran cysylltiadau trafnidiaeth gyda Gwasanaethau Trenau Intercity yn galw yng Nghastell-nedd a Phort Talbot ar y ffordd i Fryste ac i Paddington yn Llundain. Ceir meysydd awyr gerllaw yn Abertawe a Chaerdydd gyda Gwasanaethau Mewnol a Rhyngwladol, a phorthladd fferi yn Abertawe gyda hwyliadau rheolaidd gydol y flwyddyn i Iwerddon. Mae'r M4 yn rhedeg ar draws y Fwrdeistref i'r De gan roi Caerdydd, Abertawe a Phen-y-Bont o fewn cyrraedd hwylus ac mae ffordd Blaenau'r Cymoedd yn cludo teithwyr yn gyflym o Gastell-nedd yn y Gorllewin i Lyn Ebwy yng Ngwent yn y Dwyrain. Mae gan orsafoedd bysiau Castell-nedd a Phort Talbot wasanaethau i'r rhan fwyaf o brif ddinasoedd a meysydd awyr y DU.

Mae gan y Gwasanaeth Tai 11,000 o eiddo ar draws y Fwrdeistref. Mae gan y Gwasanaeth eiddo ar hyd yr arfordir ac ym mhob un o'r pum cwm yn y Bwrdeistref, sef Cwmtawe Uchaf, Dyffryn Aman, Cwm Nedd, Cwm Dulais a Chwm Afan. Lleolir llawer o'r eiddo mewn lleoliadau cefn gwlad deniadol neu ar yr arfordir, a mae eraill ym mhrif drefi Port Talbot, Castell-nedd a Phontardawe.

Mae gan y Gwasanaeth Tai dros 500 o eiddo mewn cynlluniau cysgodol ar draws y Fwrdeistref, ac mae hefyd lawer o eiddo sy'n benodol ar gyfer yr henoed ond lle nad oes warden, sy'n caniatáu mynediad hawdd ond bywyd annibynnol hefyd. Mae gweddill yr eiddo yn cynnwys fflatiau un, dwy a thair llofft, a thai un, dwy, tair a phedair llofft.

Mae gan y Gwasanaeth Tai dair Swyddfa Dai Leol sydd wedi'u lleoli'n gyfleus lle y gellir delio â'ch holl ymholiadau. Lleolir hwy yn:

Os hoffech wneud cais am dy gyda'r Gwasanaeth e-bostiwch ni ar housing.services@npt.gov.uk neu ffoniwch y Gwasanaeth Tai

I gael mwy o wybodaeth am ein gwasanaethau defnyddiwch y ddewislen ar y chwith.