Yr Orendy
Mae Orendy'r 18fed Ganrif yn ganolbwynt dramatig ac ysblennydd
i'r gerddi, ac o'i flaen ceir teras hyfryd gyda thair ffynnon
addurniadol yn cynnwys dolffiniaid wedi plethu o amgylch ei gilydd
a chregyn bylchog.
Yn 1973 pan feddiannwyd y Stad gan y perchnogion presennol,
roedd yr Orendy mewn stad ofnadwy.
Pedair blynedd yn ddiweddarach, gorffennwyd adfer yr adeilad hardd
hwn ac fe'i agorwyd gan y Frenhines yn ystod ei Blwyddyn Jiwbilî
Arian.
Fe'i adeiladwyd o 1786 i 1793 gan Thomas Mansel Talbot gan
ddefnyddio dyluniad Anthony Keck, mae wedi'i gofrestru fel adeilad
Gradd I ac fel un o'r adeiladau clasurol gorau yng Nghymru ac mae'n
275 troedfedd o hyd felly dyma'r Orendy hiraf ym Mhrydain.
Heddiw mae'r Ystafell Wledda yn
cynnal priodasau, cynadleddau a derbyniadau. Defnyddir rhan ohono o
hyd fel Orendy yn ogystal â'i ddefnyddio ar gyfer
arddangosiadau.