Beth yw “Gwaith Chwarae...!” Castell-nedd Port
Talbot?
Pwy ydym ni?
Mae’r Tîm "Gwaith Chwarae...!" yn cynnwys dau Weithiwr Datblygu
Chwarae Cymunedol, ac un Swyddog Datblygu Chwarae yn eu
goruchwylio. Cyllidir y swyddi hyn gan grant Cymorth, sef arian
oddi wrth Gynulliad Cymru a ddynodir i gefnogi plant a phobl ifanc
o 0 i 25 oed. Rydym wedi’n lleoli yn Llansawel, Castell-nedd.
Beth rydym ni’n ei wneud?
Hyrwyddo Chwarae i blant a phobl ifanc yng Nghastell-nedd Port
Talbot...trwy drefnu a mynychu digwyddiadau arbennig a digwyddiadau
cymunedol er mwyn codi proffil Chwarae a "Gwaith Chwarae...!" CNPT.
Rydym yn rhoi gwybod i rieni a grwpiau cymunedol pa mor bwysig yw
chwarae’n rhydd ac yn ddiogel i ddatblygiad plant.
Hyrwyddo chwarae anturus mynediad agored...trwy ddefnyddio
sesiynau chwarae anturus lle gall plant chwarae yn eu hamgylchedd
naturiol, sydd hefyd yn golygu chwarae yn y baw a’r glaw! Rydym yn
mynd â phlant yn ôl i’r dyfodol, wrth chwarae yn yr un ffordd ag yr
oedd eu rhieni’n arfer gwneud - codi pebyll, siglenni, cuddfannau,
llithren faw, rampiau beic...a llawer mwy!
Darparu gweithgareddau chwarae:
- Cynlluniau chwarae yn ystod gwyliau – cynlluniau chwarae
mynediad agored a gynhelir mewn neuaddau / canolfannau cymunedol ac
ysgolion, wedi’u hanelu at blant rhwng 5 ac 11 oed.
- Sesiynau dan oruchwyliaeth mewn llefydd chwarae – sesiynau
chwarae mynediad agored lle mae gweithwyr chwarae’n ymweld â
pharciau a llefydd chwarae, gan fynd â chyfarpar gyda nhw mewn
fan.
- Chwarae anturus ar ôl ysgol – sesiynau chwarae anturus a
gynhaliwyd mewn parciau, llefydd chwarae a meysydd ysgol lleol ar
ôl ysgol.
Rhoi cyngor ar chwarae y tu mewn a thu allan i’r ysgol...trwy
ddarparu syniadau i staff a disgyblion ysgol ar gyfer chwarae yn
ystod oriau ysgol a phwysleisio pwysigrwydd chwarae yn ystod ac ar
ôl ysgol.
Cefnogi cymunedau i ddarparu cyfleoedd chwarae i blant yn eu
hardal leol felly os oes gennych chi unrhyw syniadau neu os ydych
angen cefnogaeth, mae croeso i chi gysylltu â ni drwy ddefnyddio’r
manylion ar y dudalen cysylltu â ni.
Gweithgor Chwarae
Is-grŵp o'r Bartneriaeth Plant yw’r Gweithgor Chwarae (GCh) ac
mae’n cynnwys cynrychiolwyr o asiantaethau â diddordeb mewn
chwarae. Nid yw’n gorff cyfansoddiadol ac nid oes ganddo unrhyw
gyllid uniongyrchol, ond mae’n gwneud argymhellion i Grŵp
Cyfeirio'r Bartneriaeth Fframwaith yn seiliedig ar gyngor ei
aelodau. Mae’n ceisio defnyddio cyllid Cymorth, a elwir yn ‘grant
chwarae’ ac sydd wedi’i ddyrannu ar gyfer datblygu chwarae yng
Nghastell-nedd Port Talbot.
Mae’r GCh yn cwrdd bob deufis ac ar hyn o bryd mae ganddo dri
gweithgor sy’n cwrdd pan fo angen. Un o’i brif dasgau oedd
goruchwylio datblygu Polisi Chwarae CNPT i Strategaeth Chwarae.
Mae’n cynnwys cynrychiolaeth o’r canlynol:
- Cyngor Bwrdeistref Sirol Castell-nedd Port Talbot
- Hamdden Cymunedol Celtic
- Partneriaeth Fframwaith Plant a Phobl Ifanc
- Playright – Canolfan Adnoddau Chwarae
- Interplay – chwarae integredig a chynhwysol
- Cyngor Gwasanaethau Gwirfoddol CNPT
- NCH Gweithredu dros blant
- Chwarae Cymru
Polisi Chwarae
Mae Castell-nedd Port Talbot wedi cael Polisi Chwarae ers dros
ddwy flynedd a datblygwyd y strategaeth ohono. Gellir ei gweld
yma.
(Nodyn: i lawrlwytho'r ffeiliau, cliciwch ar y cysylltiadau uchod. Am fwy o fanylion ar sut i edrych ar ddogfennau PDF, cyfeiriwch at ein tudalennau Help.)
Strategaeth Chwarae
Mae drafft terfynol y strategaeth ar gael i’w weld a’i
lawrlwytho yn y Saesneg ac yn y Gymraeg.
(Nodyn: i lawrlwytho'r ffeiliau, cliciwch ar y cysylltiadau uchod. Am fwy o fanylion ar sut i edrych ar ddogfennau PDF, cyfeiriwch at ein tudalennau Help.)
Caiff y strategaeth ei chyflwyno i amryw o rwydweithiau a
fforymau a’i dosbarthu i bobl broffesiynol eraill sy’n gweithio
gyda phlant er mwyn cael eu barn. Fe’i cyflwynir wedyn er mwyn i'r
Bartneriaeth Fframwaith a Chyngor CNPT ei chymeradwyo.