Datganiad I'r Wasg

Yn eu cyfarfod ar 7 Awst 2024, cytunodd aelodau'r Cabinet i drosglwyddo'r cyfrifoldeb am reoli'r Ganolfan yn ffurfiol oddi wrth y gweithredwr blaenorol i Bennaeth Eiddo ac Adfywio'r cyngor nes i benderfyniad gael ei gwneud ynglŷn â'r ffordd y caiff yr adeilad ei ddefnyddio yn y dyfodol.

Mae'r Ganolfan, sydd ar gyffordd Stryd Herbert a Stryd Fawr ym Mhontardawe, wedi cael ei defnyddio ers blynyddoedd lawer, yn rhannol fel canolfan gymunedol ac yn rhannol fel swyddfeydd i fusnesau lleol.

Yn 2015, fel rhan o fesurau cyni ledled y wlad, cafodd y Ganolfan, fel llawer o adeiladau eraill, ei gosod ar brydles i weithredwr annibynnol ar sail trefniadau atgyweirio a chynnal a chadw llawn.

Fodd bynnag, yn 2023, daeth yn amlwg na allai'r gweithredwr barhau mwyach a chafodd y brydles ei hildio, a bu swyddogion y cyngor yn gweithio er mwyn helpu'r tenantiaid i sicrhau lle amgen addas.

Mae'r gwaith hwnnw bellach wedi'i gwblhau ac mae'r holl denantiaid wedi dod o hyd i le amgen, neu nid oes angen lle arnynt mwyach.

Dywedodd y Cyngh. Jeremy Hurley, sef Aelod Cabinet Cyngor Castell-nedd Port Talbot dros Newid Hinsawdd a Thwf Economaidd, y mae ei bortffolio'n cynnwys rheoli asedau: “Bydd trosglwyddo'r adeilad yn ffurfiol yn golygu y bydd modd cynnal trafodaethau am ddyfodol yr adeilad blaenllaw hwn.”