Cael help i roi eich biniau allan
Trosolwg
Os oes gennych anhawster rhoi eich biniau ac ailgylchu allan i'w casglu, gallwch ofyn i ni am help.
Gallwn gasglu a gwagio eich biniau, bagiau a blychau, yna eu dychwelyd i'r lle y gwnaethoch eu gadael. Gelwir hyn yn gasgliad â chymorth.
Pwy all gael casgliad â chymorth
- rydych chi'n ei chael hi'n anodd rhoi eich biniau allan oherwydd salwch, oedran neu anabledd
- does neb yn gallu eich helpu i roi eich biniau a'ch ailgylchu allan
- gall rhywun eich helpu i roi eich biniau a'ch ailgylchu allan
- mae gennych dreif hir
- mae ffin yr eiddo ymhell o'r eiddo
- mae yna nifer fawr o grisiau sy'n effeithio ar iechyd a diogelwch y criwiau casglu
Gwneud cais
Cyn i chi ddechrau
Gwiriwch a allwch chi gael casgliad â chymorth.
Bydd angen:
- eich enw
- eich cyfeiriad
- manylion cyswllt
-
cadarnhad na all neb eich helpu
Beth sy'n digwydd nesaf
Byddwn naill ai’n eich ffonio chi neu’n ymweld â’ch eiddo i drafod y casgliad â chymorth. Byddwn yn rhoi gwybod i chi beth yw ein penderfyniad ar ddiwedd yr alwad neu’r ymweliad.
Ceisiadau llwyddiannus
Os byddwch yn llwyddiannus, byddwn yn:
- cytuno ar bwynt casglu dynodedig ar eich eiddo
- anfon llythyr cadarnhau atoch
Bydd eich casgliadau â chymorth yn dechrau ar eich casgliad nesaf ar ôl i chi dderbyn y llythyr.
Gofynion mynediad
Ni chaniateir i ni fynd i mewn i unrhyw adeiladau (fel garejys na siediau) i symud na dychwelyd offer.
Ar ddiwrnod casglu, gwnewch yn siŵr bod y gatiau wedi'u datgloi a bod y llwybrau'n glir.
Adolygiad
Byddwn yn adolygu'r angen am y casgliadau â chymorth bob tair blynedd. Os nad oes angen y gwasanaeth hwn arnoch mwyach, rhowch wybod i ni.
