Mae'r prosiect hwn a ariennir gan Lywodraeth y DU yn cynnwys tair rhan:
- adnewyddu Theatr y Dywysoges Frenhinol, gan arallgyfeirio ac ehangu ei chynigion presennol
- ailddatblygu Sgwâr Dinesig Port Talbot yn fan cymunedol aml-ddefnydd a chyflwyno seilwaith gwyrdd
- ailddatblygu parth cyhoeddus yn Riverside i ddarparu seilwaith gwyrdd a mannau chwarae naturiol i blant – cam dau o'r prosiect pan fydd cyllid ychwanegol wedi'i ganfod
Mae'r gwaith ar y gweill, a disgwylir iddo gael ei gwblhau erbyn Haf 2026.
Delwedd cyfrifiadurol
Adnewyddu Theatr y Dywysoges Frenhinol
Nod y prosiect yw gwella canol y dref drwy:
- arallgyfeirio a chynyddu’r cynnig presennol
- annog mwy o bobl i ddefnyddio’r dref
- cefnogi busnesau lleol
- peri fod y dref yn fwy deniadol ac yn lle bywiog i ymweld â hi
- cynyddu’n sylweddol faint o lecynnau glas sydd yno, a fydd yn helpu i fynd i’r afael â chynnydd mewn tymheredd, ansawdd awyr gwael a
phroblemau gorlifo - gwella llesiant
Ailddatblygu Sgwâr Dinesig Port Talbot
Bydd ailddylunio’r Sgwâr Dinesig yn darparu lle hyblyg ar gyfer cynnal marchnadoedd, digwyddiadau a gweithgareddau tymhorol.
Bydd nodwedd ganolog newydd yn cynnwys seddi integredig a mannau plannu, a bydd yr ardal yn cynnwys tirlunio meddal, gan gynnwys:
- plannu gweiriau
- llwyni
- choed
- nodweddion/gerddi glaw systemau draenio trefol cynaliadwy (SUDS)
Bydd y prosiect yn gwella hygyrchedd yn y parth cyhoeddus ac yn creu llwybrau mwy deniadol a hygyrch drwodd i ardaloedd eraill ynghanol y
dref. Defnyddir mathau cyfoes o balmant sy’n addas i’r hinsawdd ac yn hawdd eu cynnal a’u cadw.
Bydd y maes parcio hefyd yn cael ei ailddylunio ac yn cael arwyneb newydd.
Diweddariadau diweddaraf
Ariannu
Ariennir y prosiect hwn gan Lywodraeth y DU.
