Hepgor gwe-lywio

beta Gwefan newydd yw hon – bydd eich adborth yn ein helpu i wella.

Cronfa'r Gadwyn Gyflenwi

Mae Cartrefi fel Gorsafoedd Pŵer (HAPS) yn brosiect arloesol i gefnogi mabwysiadu'r ‘dull HAPS’ yn Rhanbarth Dinas Bae Abertawe.

Mae dull HAPS yn ffordd o wneud cartrefi yn fwy ynni-effeithlon ac yn gost-effeithiol. Mae'n cynnwys integreiddio dyluniadau ynni-effeithlon a thechnolegau adnewyddadwy mewn cartrefi newydd a rhai sy'n bodoli eisoes. Y nod yw lleihau dibyniaeth gartref ar rwydweithiau ynni presennol.

Mae Cyngor Castell-nedd Port Talbot yn arwain y prosiect ar ran y pedwar partner awdurdod lleol yn Rhanbarth Dinas Bae Abertawe. 

  • Cyngor Bwrdeistref Sirol Castell-nedd Port Talbot
  • Dinas a Sir Abertawe
  • Cyngor Sir Caerfyrddin
  • Cyngor Sir Penfro

Gweithgareddau'r prosiect

Mae’r prosiect yn cynnwys nifer o weithgareddau cysylltiedig, gan gynnwys:

  • cefnogi mabwysiadu dyluniadau ynni-effeithlon a thechnolegau adnewyddadwy mewn cartrefi
  • datblygu cadwyn gyflenwi ranbarthol gynaliadwy, fedrus ar gyfer technolegau adnewyddadwy mewn cartrefi
  • cynnal rhaglen fonitro a gwerthuso helaeth

Cyllid

Mae'r Gronfa Datblygu Cadwyn Gyflenwi gwerth £7m ar gael i Ranbarth Dinas Bae Abertawe. Mae gan y gronfa dri phrif nod.

  1. Datblygu cadwyn gyflenwi ranbarthol o dechnolegau i helpu i fynd i'r afael â thlodi tanwydd.
  2. Sicrhau bod digon o sgiliau rhanbarthol i weithgynhyrchu, gosod a chynnal y technolegau.
  3. Sefydlu'r rhanbarth fel canolfan ragoriaeth mewn technolegau adnewyddadwy.

Grantiau

Y grantiau sydd ar gael yw:

  • isafswm grant - £100,000
  • uchafswm grant - £1 miliwn

Gallwn drafod ceisiadau y tu allan i'r symiau hyn fesul achos.

Datganiad o ddiddordeb

Rydym am fesur y diddordeb mewn mynd i'r afael â'r nod cyntaf.

Nid yw'r rhan fwyaf o'r technolegau sydd eu hangen ar gael ar hyn o bryd o fewn y rhanbarth. Maent yn cael eu mewnforio neu eu cyrchu o ardaloedd eraill yn y DU neu o dramor. Sut gall eich cwmni newid hyn?

Bwriad y gronfa yw nodi cadwyn gyflenwi bosibl sydd mor eang â phosibl. Bydd y gronfa’n gwneud hyn drwy alwad agored gystadleuol am gynigion sy’n canolbwyntio ar dechnolegau fel:

  • Systemau Ynni Deallus (IES)
  • pympiau gwres
  • waliau pŵer
  • batri ar gyfer annedd domestig
  • PV solar
  • isgoch

Bydd yr alwad agored yn cynnwys:

  • cwmnïau cychwynnol - i'w hannog i fuddsoddi yn y technolegau hyn
  • busnesau bach - i'w galluogi i adeiladu capasiti
  • cwmnïau mwy - i arallgyfeirio i gynnwys y technolegau hyn yn eu cynigion cynnyrch
  • buddsoddiad mewnol - fel y gall busnesau sefydlu, tyfu, cyflogi pobl leol a chefnogi datblygiad economaidd y rhanbarth
Efallai y gwneir galwadau yn y dyfodol i gefnogi ail a thrydydd nod y gronfa.

Allbynnau a chanlyniadau

Mae yna allbynnau a chanlyniad penodol y mae angen i brosiectau eu cyflawni. Bydd y rhain yn cael eu monitro a'u hadrodd fel rhan o delerau ac amodau'r gronfa.

Datblygu cadwyn gyflenwi ranbarthol

Disgwylir mai’r allbwn allweddol cyntaf fydd datblygiad llwyddiannus cadwyn gyflenwi ranbarthol. Bydd y gadwyn gyflenwi hon yn canolbwyntio ar dechnolegau ac offer amgylcheddol cysylltiedig â HAPS a’u:

  • gweithgynhyrchu
  • cyrchu
  • gosod
  • gweithredu
  • rheoli
  • cynnal a chadw

Y nod yw i'r gadwyn gyflenwi fod yn:

  • gadarn
  • gynaliadwy
  • medrus
  • hir oes, gyda'r potensial i sefydlu'r rhanbarth fel canolfan ragoriaeth

Gwneud cais

Darllenwch y ddogfen ganllaw cais HAPS isod cyn llenwi’r ffurflen Mynegi Diddordeb.

Lawrlwythiadau

  • Cronfa'r Gadwyn Gyflenwi - Canllawiau ymgeisio HAPS (DOCX 321 KB)
  • Cronfa'r Gadwyn Gyflenwi - Ffurflen gais Datganiad o Ddiddordeb HAPS (DOCX 313 KB)
Lawrlwythwch...
Pecynnu:  
Cwblhau

Cysylltwch â ni os oes gennych unrhyw ymholiadau neu os hoffech gofrestru i gael diweddariadau.