Cronfa Ffyniant Gyffredin y Deyrnas Unedig 2025-26

Bydd Blwyddyn Bontio UKSPF 2025-26 yn cefnogi cyflawni Cenhadaeth Llywodraeth y Deyrnas Unedig gyda phwyslais penodol ar dwf economaidd ar draws y tri maes blaenoriaeth, sef Cymunedau a Lle, Cefnogi Busnesau Lleol, a Phobl a Sgiliau.

Bydd cyfuniad y Gronfa o gyllid refeniw a chyfalaf yn sicrhau bod lleoedd yn mynd ati’n uniongyrchol i gyflawni’r brif Genhadaeth, sef sbarduno twf economaidd.

Nod UKSPF 2025-26 yw cefnogi gweithgareddau rhwng Ebrill 2025 a Mawrth 2026, gan gynnwys parhau â rhai o weithgareddau presennol UKSPF lle bo hynny’n briodol. 

Dyraniad UKSPF Castell-Nedd Port Talbot rhwng Ebrill 2025 a Mawrth 2026 yw £14.3 miliwn

Er mwyn sicrhau dull cyflwyno strategol, gyda phontio esmwyth a chyflwyno cyflym i ddechrau ar 1 Ebrill 2025, mae Cyngor CNPT yn cydweddu â dull gweithredu rhanbarth De-orllewin Cymru o ran penderfyniadau a chyflwyno lleol.

Mae’r gwaith cyflwyno’n seiliedig ar ddull Prosiect Angori strategol gyda phum prosiect Angori dan arweiniad y Cyngor i gyflawni blaenoriaethau ar gyfer ein hardal:

• Cymuned
• Lle
• Busnes
• Cyflogadwyedd
• Sgiliau

Bydd Prosiectau Angori Cymuned, Lle a Busnes yn cynnwys Cynlluniau Grant Trydydd Parti i ddyfarnu cyllid i sefydliadau’r sector cyhoeddus, y sector preifat, y sector cymunedol a’r trydydd sector. 

Cyfanswm y gronfa: £1m

• Dyfarniad grant lleiaf: £5,000
• Dyfarniad grant mwyaf: £50,000

Nod y gronfa 

Nod Cronfa Ffyniant Cymunedau UKSPF CNPT yw darparu cymorth ariannol ar gyfer cymunedau iach, diogel a chynhwysol. 

O ran ei chwmpas, mae’r Gronfa’n cynnwys gwella iechyd a llesiant, lleihau troseddau ac ofn troseddau, dod â chymunedau ynghyd a mynd i’r afael â digartrefedd. 

Bydd Cronfa Ffyniant Cymunedau CNPT, gwerth £1m, yn cefnogi buddsoddiadau cyfalaf a refeniw. 

Bydd y Gronfa’n canolbwyntio ar y themâu canlynol y nodwyd eu bod yn flaenoriaeth yng Nghynllun Corfforaethol CNPT a Chynllun Buddsoddi UKSPF, ac sy’n cyfateb i flaenoriaethau buddsoddi UKSPF: 

• Gwella iechyd a llesiant
• Lleihau troseddau ac ofn troseddau
• Dod â chymunedau ynghyd
• Mynd i’r afael â digartrefedd
• Mynd i’r afael â thlodi
• Mynediad at Wasanaethau
• Diogelwch Cymunedol
• Mentrau Cymunedol Amgylcheddol a Gwyrdd

Gwahoddir ceisiadau ar gyfer prosiectau cymwys ar draws y fwrdeistref sirol.

Lefelau’r grant

Darperir cymorth ariannol trwy alw ar grwpiau cymunedol cymwys â chyfansoddiad i gyflwyno ceisiadau cystadleuol am gyllid er mwyn cyflwyno prosiectau cyfalaf a refeniw (neu gyfuniad o brosiectau cyfalaf a refeniw).

Mae trothwy’r grant rhwng £5,000 a £50,000.

Bydd ceisiadau mwy o hyd at £100,000 yn cael eu hystyried fesul achos yn ôl disgresiwn y panel cyllido.

Prosiectau cymwys

Mae’r canlynol yn enghreifftiau o’r math o weithgareddau cymwys y gellid ystyried eu cyllido:

• Cyllid ar gyfer seilwaith newydd neu welliannau i seilwaith presennol yn y gymuned neu’r gymdogaeth, gan gynnwys mannau gwyrdd lleol
• Cefnogaeth ar gyfer gwella darpariaeth teithio llesol a phrosiectau eraill ar raddfa fach sy’n gysylltiedig â seilwaith trafnidiaeth werdd
• Cyllid ar gyfer mentrau cymunedol arloesol i atal troseddau
• Cyllid ar gyfer gwirfoddoli a/neu weithredu cymdeithasol effeithiol
• Cyllid ar gyfer cyfleusterau chwaraeon lleol
• Buddsoddi mewn meithrin galluoedd a chymorth seilwaith ar gyfer grwpiau cymunedol
• Mesurau cymunedol i leihau costau byw, gan gynnwys mesurau i wella effeithlonrwydd ynni, a gwrthweithio tlodi tanwydd a’r newid yn yr hinsawdd
• Cyllid i gefnogi astudiaethau dichonoldeb perthnasol
• Cefnogaeth a buddsoddiad mewn seilwaith digidol ar gyfer cyfleusterau cymunedol lleol
• Cefnogaeth ar gyfer gweithgareddau cymunedol i wella iechyd a llesiant

Sefydliadau cymwys

• Grwpiau Gwirfoddol a Grwpiau Cymunedol â chyfansoddiad 
• Elusennau Cofrestredig
• Sefydliadau nid-er-elw
• Mentrau Cymdeithasol
• Caiff canghennau lleol sefydliadau trydydd sector cenedlaethol gyflwyno cais gan ddefnyddio Cyfansoddiad y rhiant-sefydliad
• Caiff Cynghorau Tref a Chymuned gyflwyno ceisiadau am brosiectau cymunedol llesol i’r gymuned sy’n ychwanegol at eu cyfrifoldebau statudol

Amserlen Ddangosol (gallai hyn newid)

Dyddiad Cau ar gyfer Ceisiadau

Canllawiau cyllido llawn i'w dilyn.

I gael ffurflen gais, anfonwch neges e-bost i communityprosperityfund@npt.gov.uk.

Bydd y Gronfa Ffyniant Lleoedd sy’n agor i geisiadau o fis Ebrill 2025 yn cynnig cyllid cyfalaf a refeniw ar gyfer prosiectau trwy’r ddau linyn canlynol:

1. Treftadaeth, Diwylliant, Twristiaeth a Digwyddiadau 
2. Prosiectau Cyfalaf ar gyfer Adfywio

Cyfanswm y Gronfa ar gyfer y ddau linyn - £2m

Llinyn 1 – Treftadaeth, Diwylliant, Twristiaeth a Digwyddiadau 

Dyfarniad grant mwyaf:

• Hyd at £250,000 ar gyfer Ymyriadau Treftadaeth, Diwylliant a Thwristiaeth Strategol
• Hyd at £150,000 ar gyfer Ymyriadau Treftadaeth, Diwylliant a Thwristiaeth ar Raddfa Fach
• Hyd at £10,000 ar gyfer Digwyddiadau Treftadaeth a Diwylliant

Nodau

Cefnogi prosiectau sy’n buddsoddi yn ein treftadaeth a’n diwylliant lleol (gan gynnwys y celfyddydau), sy’n cael effaith gadarnhaol ar lesiant, ar gydlyniant cymunedol, yn mynd i’r afael ag ynysu ac yn hwyluso mynediad at wasanaethau.

Prosiectau cymwys:

Sefydliadau Cymwys a Lefel y Grant

Ymyriad 1: Ymyriadau Treftadaeth, Diwylliant a Thwristiaeth Strategol

Ymyriad 2: Ymyriadau Treftadaeth, Diwylliant a Thwristiaeth ar Raddfa Fach

Ymyriad 3: Digwyddiadau Treftadaeth a Diwylliant

Llinyn 2 – Prosiectau Cyfalaf Adfywio

Nodau

Mae’r llinyn hwn yn ceisio rhoi sylw i heriau yn ein cymunedau, megis prinder tai, eiddo masnachol a chyfleusterau cyhoeddus o safon ledled Castell-nedd Port Talbot. Nod y gronfa yw creu twf cynaliadwy yn ein cymunedau a’u gwneud yn lleoedd gwell i fyw a gweithio ynddynt ac ymweld â nhw.

Prosiectau Cymwys a Lefel y Grant:

• Unedau Preswyl – Newid arwynebedd llawr ar loriau uwch adeiladau masnachol yn llety preswyl newydd. (Nid yw tai amlddeiliadaeth yn gymwys). Dyfarniadau grant hyd at uchafswm o £20,000 fesul uned dwy ystafell wely a £15,000 fesul uned un ystafell wely
• Prosiectau Adnewyddu Eiddo Masnachol – a luniwyd i ddefnyddio eiddo gwag unwaith eto neu gynyddu neu wella capasiti cyfredol. Bydd gwaith mewnol ac allanol yn gymwys ar gyfer cyllid hyd at uchafswm o £250,000 fesul eiddo
• Seilwaith Gwyrdd – prosiectau sy’n hyrwyddo bioamrywiaeth, a allai gynnwys gerddi cymunedol, toeau/waliau gwyrdd, parciau bach, coed stryd, llecynnau blodau gwyllt, systemau draenio trefol cynaliadwy. Hyd at £250,000 fesul prosiect
• Ynni adnewyddadwy / Prosiectau Uwchraddio – mae cyllid ar gael ar gyfer ymyriadau pwrpasol neu brosiectau uwchraddio ehangach sy’n gwella effeithlonrwydd ynni, e.e. paneli ffotofoltaïg, gosod pympiau gwres o’r ddaear, mannau gwefru cerbydau trydan. Hyd at £100,000 y prosiect
• Gwella Tir y Cyhoedd – cynlluniau ar raddfa fach i wella tir y cyhoedd sy’n cyd-fynd â gwaith adfywio lleol a lle gwelir effaith gymdeithasol ac economaidd amlwg, e.e. dileu neu ollwng cyrbau i hwyluso symud i mewn ac allan, lledu palmentydd er mwyn darparu seddau ac ardaloedd amwynder awyr agored, blychau plannu parhaol ac ati. Hyd at £250,000 fesul prosiect
• Marchnadoedd Cymunedol – datblygu a galluogi marchnadoedd lleol sy’n darparu cynnyrch, crefftau, bwyd a chynhyrchion sy’n ychwanegu gwerth. Mae cyllid ar gael i ddarparu cyflenwad trydan parhaol i alluogi marchnadoedd i fasnachu, prynu stondinau, standiau ac ati. Hyd at £100,000 fesul prosiect
• Trefi Digidol – gwella’r agenda trefi digidol trwy ddarparu eitemau cyfalaf i gefnogi rhwydweithiau dadansoddeg Wi-Fi a Lora Wan. Hyd at £250,000 fesul prosiect
• Prosiectau Teithio Llesol – hwyluso llwybrau teithio llesol trwy ddarparu cyfleusterau storio beiciau, cypyrddau clo a chyfleusterau ymolchi mewn adeiladau masnachol. Hyd at £250,000 fesul prosiect
• Cyfleusterau hamdden – darparu cyfleusterau chwarae awyr agored, mannau chwarae amlddefnydd a gweithgareddau hamdden yn yr awyr agored. Hyd at £250,000 fesul prosiect
• Astudiaethau Dichonoldeb / Arolygon / Cynlluniau / Darluniau ar gyfer datblygu prosiectau cyfalaf i’r dyfodol – mae cyllid ar gael i gefnogi’r gwaith o ddylunio a datblygu prosiectau cyfalaf i’w galluogi i symud ymlaen i gam nesaf y gwaith, e.e. galluogi caffael, cyflwyno cais am ganiatâd cynllunio neu am gyllid pellach. Hyd at £50,000 fesul prosiect. (Bydd angen darparu manylion llawn y prosiect/weledigaeth a gynllunnir yn y cais am gyllid)

Sefydliadau cymwys:

• Awdurdodau lleol / cynghorau tref
• Perchnogion eiddo masnachol / preswyl / tirfeddianwyr / perchen-feddianwyr
• Sefydliadau cymunedol

Amserlen Ddangosol (gallai hyn newid)

RHAID I BOB PROSIECT GAEL EI GWBLHAU ERBYN 31 IONAWR 2026.

I gael rhagor o wybodaeth, anfonwch e-bost i place@npt.gov.uk.