Hysbysiadau dros dro

Os ydych chi'n bwriadu cynnal digwyddiad ar gyfer Nos, Nadolig a'r Flwyddyn Newydd yn eich mangre, efallai y bydd angen Hysbysiad o Ddigwyddiad Dros Dro arnoch (TEN).

Mae'n rhaid i drefnydd y digwyddiad gyflwyno'r hysbysiad o leiaf 10 niwrnod gwaith cyn dyddiad y digwyddiad.

Gellir cyflwyno TEN hwyr, ond ni ddylai hyn fod yn gynt na 5 niwrnod gwaith cyn y digwyddiad a rhaid nodi mai TEN hwyr ydyw.

Nid yw diwrnodau gwaith yn cynnwys dydd Sadwrn, dydd Sul na gwyliau banc, sef Dydd Nadolig, Gŵyl San Steffan, a Dydd Calan yn yr achos hwn.
Sylwer, nid yw'r diwrnodau gwaith yn cynnwys y diwrnod cyflwyno, hynny yw, y diwrnod y mae'r awdurdod hwn yn ei dderbyn, a diwrnod y digwyddiad ei hun.

Mae gweithgareddau trwyddedadwy'n cynnwys gwerthu neu gyflenwi alcohol, lluniaeth yn hwyr y nos (gwerthu bwyd twym a diod rhwng 23:00 a 05:00 - nid yw hyn yn berthnasol i fangreoedd clwb), adloniant a reoleiddir, sy'n cynnwys cerddoriaeth fyw a cherddoriaeth sydd wedi'i recordio, dramâu, ffilmiau, chwaraeon dan do, paffio a reslo. Os nad ydych yn siŵr a oes angen TEN arnoch ar gyfer eich digwyddiad, cysylltwch â ni.