Tacsis a thrwyddedu preifat
Mae'r Awdurdod Trwyddedu'n gyfrifol am osod amodau a rhoi trwyddedau ar gyfer cerbydau hacni a cherbydau hurio preifat i sicrhau eu bod yn ddiogel ac yn gyfforddus a bod eu gyrwyr yn bobl addas a phriodol fel a nodwyd yn Neddf Llywodraeth Leol (Darpariaethau Amrywiol) 1976.
Sut i gyflwyno cais
Mae'r Awdurdod Trwyddedu wedi mabwysiadu polisi trwyddedu tacsis sy'n cynnwys gwybodaeth am sut i wneud cais am drwydded a hefyd fanylion amodau ac amodau ar gyfer cerbydau, gyrwyr a gweithredwyr.
Llenwch wiriad treth
Os ydych chi'n unigolyn, yn gwmni neu'n unrhyw fath o bartneriaeth mae'n rhaid i chi gwblhau gwiriad treth os ydych chi'n gwneud y canlynol:
- adnewyddu trwydded
- gwneud cais am yr un math o drwydded a oedd gennych yn flaenorol, a oedd wedi dod i ben llai na blwyddyn yn ôl
- gwneud cais am yr un math o drwydded sydd gennych eisoes gydag awdurdod trwyddedu arall
Llenwch wiriad treth ar gyfer trwydded tacsi neu hurio preifat
Pan fyddwch wedi cwblhau’r gwiriad treth, byddwch yn cael cod sy’n 9 cymeriad. Dyma’ch cod gwirio treth. Rhaid i chi ei roi i ni gyda’ch cais am drwydded. Ni allwn prosesu’ch cais hebddo.
Gwneud cais am neu adnewyddu trwydded gerbyd
Os yw'ch cerbyd yn cael ei ddefnyddio fel tacsi neu gerbyd hurio preifat, mae'n rhaid i chi gael trwydded.
Cyn i chi ddechrau
Ceisiadau newydd
Ar gyfer ceisiadau newydd bydd angen:
- eich enw a'ch manylion cyswllt
- manylion eich cerbyd
- gwybodaeth am eich yswiriant
- manylion unrhyw euogfarnau gyrru neu droseddau a allai fod gennych
Adnewyddiadau
Ar gyfer adnewyddiadau, bydd angen:
- rhif eich plât
- dyddiad y daw eich trwydded i ben
- eich enw a manylion cyswllt
- manylion eich cerbyd
- gwybodaeth eich yswiriant
- manylion unrhyw euogfarnau gyrru neu droseddau a allai fod gennych
Dogfennau ategol
Ar gyfer ceisiadau newydd ac adnewyddiadau, bydd angen i chi hefyd uwchlwytho eich:
- tystysgrif yswiriant
- llyfr cofrestru cerbydau (V5C)
