Ymgynghoriadau

Mae Cyngor Castell-nedd Port Talbot yn eich gwahodd i gymryd rhan wrth lunio ei Bolisi Cymorth Teithio i Ddysgwyr wedi’i ddiweddaru ar gyfer blwyddyn academaidd 2027–28. Mae’r polisi hwn yn nodi sut y gwneir penderfyniadau ar gymhwysedd ar gyfer cymorth teithio, gan gynnwys rôl yr ysgol addas agosaf a phryd y gall cymorth dewisol fod ar gael, er enghraifft ar gyfer addysg cyfrwng Cymraeg ac ysgolion ffydd. Fel rhan o’r diweddariad, mae enw’r polisi wedi’i newid o Drafnidiaeth O’r Cartref i’r Ysgol i Gymorth Teithio i Ddysgwyr, gan adlewyrchu dull ehangach, mwy hyblyg sy’n cynnwys ystod o opsiynau teithio megis:

• trafnidiaeth draddodiadol
• cyllidebau teithio personol
• hyfforddiant teithio annibynnol
• teithio llesol pan fo’n ddiogel ac yn briodol

Mae hefyd yn anelu at wneud prosesau’n gliriach, gan gynnwys sut y caiff penderfyniadau eu hadolygu a’u hapelio, fel bod teuluoedd yn deall yn well y cymorth sydd ar gael.

Bydd eich cyfraniad yn helpu i sicrhau bod y polisi’n deg, yn dryloyw ac yn cefnogi dysgwyr a theuluoedd ledled y fwrdeistref sirol.

Rydym yn cynnal tri digwyddiad galw i mewn cyhoeddus i helpu pobl i ddeall a rhoi sylwadau ar ein cynigion. Yn ein digwyddiadau galw i mewn, gallwch weld ein cynigion a siarad â’n tîm a fydd ar gael i ateb unrhyw gwestiynau sydd gennych.

Gallwch hefyd weld dogfennau’r ymgynghoriad yn:

• Llyfrgell Baglan
• Llyfrgell Cwmafan
• Llyfrgell Glyn-nedd
• Llyfrgell Castell-nedd
• Llyfrgell Pontardawe
• Llyfrgell Port Talbot
• Llyfrgell Sandfields
• Llyfrgell Sgiwen

Gellir cyflwyno ymatebion hefyd yn ysgrifenedig i’r Gyfarwyddiaeth Addysg, Hamdden a Dysgu Gydol Oes (I sylw: Tîm Cludiant Addysg), Canolfan Ddinesig, Port Talbot, SA13 1PJ.

Ymgynghoriadau sy’n ymwneud â’r amgylchedd, gan gynnwys Cynllunio, Trafnidiaeth, Bioamrywiaeth a