Rhywogaethau arbennig
Mae Castell-nedd Port Talbot (CNPT) yn llawn o fathau gwahanol o natur a bywyd gwyllt, Mae’r gymysgedd o arfordiroedd, gwlyptiroedd, bryniau, a hen ardaloedd diwydiannol sydd yma’n creu cartref delfrydol ar gyfer llawer o blanhigion ac anifeiliaid.
Isod ceir rhai o uchafbwyntiau’r rhywogaethau a geir ledled y sir:
Murwyll Arfor
Planhigyn sy’n brin yn genedlaethol, ond sy’n ffynnu ar systemau twyni tywod Castell-nedd Port Talbot.
Chwilen Ddaear Las
Mae’r unig boblogaeth y gwyddys amdani yng Nghymru i’w chael yng Nghoed Maesmelin.
Britheg y Gors
Mae de Cymru, gan gynnwys Cwm Dulais, yn gadarnle i’r glöyn byw prin hwn ym Mhrydain.
Corryn Rafft y Ffen
Corryn mwyaf Prydain ac un o’r prinnaf, a geir mewn nifer fach iawn o safleoedd, gan gynnwys Camlas Tennant.
Llygoden bengron y dŵr
Darganfuwyd poblogaeth o bwys o lygoden bengron y dŵr, sydd mewn perygl o ddifodiant, yn ucheldiroedd CNPT yn ddiweddar.
Penigan y porfeydd
Blodyn gwyllt prin sy’n ffynnu ar hyd ochrau ffyrdd ac ar safleoedd tir llwyd.
Ystlumod ym Mharc Gwledig Margam
Un o’r safleoedd gorau ar gyfer ystlumod ym Mhrydain – cofnodwyd 14 o’r 18 rhywogaeth yma!
Craffu ar Rywogaethau Arbennig CNPT
Dysgwch ragor ar wefan y Bartneriaeth Natur Leol.
