Pleidleisio yn etholiad y Senedd
Os ydych chi'n 16 oed neu'n hŷn, gallwch ddefnyddio eich llais i siapio dyfodol Cymru trwy bleidleisio yn etholiadau'r Senedd a lleol.
I bleidleisio yn etholiad y Senedd, gallwch ddod o hyd i rhagor o wybodaeth ar:
Sut mae’r system bleidleisio’n gweithio
Mae’r ffordd rydych chi’n pleidleisio yn etholiadau’r Senedd wedi newid.
Byddwch nawr yn pleidleisio gan ddefnyddio system bleidleisio o’r enw ‘system rhestr gyfrannol gaeedig’ i ethol Aelodau’r Senedd.
Mae hwn yn fath o gynrychiolaeth gyfrannol.
Mae hyn yn golygu bod nifer y seddi y mae pob plaid neu ymgeisydd annibynnol yn eu hennil yn adlewyrchu canran y pleidleisiau a gawsant.
Bydd y papur pleidleisio yn ddangos rhestr o ymgeiswyr ar gyfer pob plaid wleidyddol ac unrhyw ymgeiswyr annibynnol.
Y pleidiau sy’n dewis y drefn y mae ymgeiswyr yn ymddangos ar eu rhestr.
Mae’r rhestrau yn ‘gaeedig’ – mae hyn yn golygu na all pleidleiswyr newid trefn yr ymgeiswyr. Y bobl ar frig y rhestr sy’n cael eu hethol yn gyntaf.
Sut fydd ymgeiswyr yn cael eu hethol
Y system a ddefnyddir I ddyrannu seddi yn y Senedd yw’r un system a ddefnyddiwyd i ddyrannu seddi rhanbarthol yn etholiadau blaenorol Cynulliad Cymru.
Po fwyaf o bleidleisiau y mae plaid wleidyddol neu ymgeisydd annibynnol yn eu cael, y mwyaf o seddi y byddant yn eu hennil.
Er enghraifft, os bydd plaid wleidyddol yn ennill tair sedd, bydd y tri pherson ar frig eu rhestr yn cael eu hethol I’r seddi hynny. Bydd 96 Aelod o’r Senedd yn cael eu hethol yn gyfan gwbl.
Cynhelir y cyfrif o flaen arsylwyr, gan gynnwys cynrychiolwyr o bob plaid wleidyddol ac ymgeiswyr er mwyn sicrhau ei uniondeb, fel bod pawb yn fodlon bod y canlyniad terfynol yn adlewyrchu’r pleidleisiau gwirioneddol a fwriwyd.
Am ddisgrifiad mwy manwl o sut mae pleidleisiau’n cael eu dyrannu, ewch i electoralcommission.org.uk/cy/senedd-pleidleisio
Y cyfrif
Cynhelir y cyfrif o flaen arsylwyr, gan gynnwys cynrychiolwyr o bob plaid wleidyddol ac ymgeiswyr er mwyn sicrhau ei uniondeb. Mae hyn fel bod pawb yn fodlon bod y canlyniad terfynol yn adlewyrchu'r pleidleisiau gwirioneddol a fwriwyd.
