Prosiectau arfordirol
Prosiect amddiffyn yr arfordir - Glan y Môr Aberafan
Cyn 2016, nodwyd Glan y Môr Aberafan fel rhywle yr oedd angen atgyweiriadau brys arno i amddiffyn rhag llifogydd a stormydd. Mae'r ardal wedi gweld llawer o ddatblygiadau diweddar, gan gynnwys:
- sinema newydd
- Canolfan Hamdden Aberafan
- amryw o fwytai a chaffis
Nodwyd y busnesau hyn ac ardaloedd preswyl cyfagos fel ardaloedd perygl llifogydd o dan Gynllun Datblygu Lleol (CDLl) CNPT.
Datblygwyd cynllun adfywio o dan y Cynllun Rheoli Risg Arfordirol (CRMP) i adeiladu llwybr mynediad llithrfa newydd ac uwchraddio amddiffynfeydd arfordirol ar hyd 2.5 km o Lan y Môr Aberafan.
Cwblhawyd y cynllun yn 2020 a gallwch weld rhai lluniau isod.
Cyn
Ar ôl
Lluniau adeiladu yng Nghanolfan Hamdden Aberafan a'r llithrfa newydd ym maes parcio Scarlet Avenue.
Manteision i'r ardal
Mae'r manteision i'r ardal yn cynnwys:
- amddiffynfeydd gwell rhag llifogydd ac erydiad arfordirol ym Mhromenâd Aberafan
- lleihau'r risg o lifogydd yn Rhos Baglan, Traethmelyn, ac Aberafan
- rheoli erydiad yn well yn y dyfodol
- mwy o botensial ar gyfer datblygiad pellach
- wedi cyfrannu at dwf economaidd yr ardal leol
Cyfanswm cost y cynllun oedd £3.36 miliwn, gyda 75% wedi'i ariannu gan Lywodraeth Cymru a 25% gan CNPTBC.
Gwaith y dyfodol
Gall prosiectau amddiffyn arfordirol fod yn heriol i'w rheoli oherwydd newid hinsawdd ac erydiad. Felly, cynhelir archwiliadau ddwywaith y flwyddyn i wirio am ddifrod ar:
- y llithrfa
- argloddiau
- rhagfuriau
- grisiau concrit
Plannwyd moresg ychwanegol ger mynedfa'r llithrfa newydd yn haf 2024 i helpu i sefydlogi'r glannau trwy ddal y tywod yn ei le.
