Gwneud Penderfyniadau ar Sail Data ac Ymchwil

Cenhadaeth 1: Rheoli data

Gwreiddio arferion rheoli data cryf i sicrhau ein bod yn deall ein data ac yn ymddiried ynddo ac yn ei ddefnyddio'n effeithiol i gyflwyno'n rhaglenni trawsnewid.

• Cynnal a diweddaru cofrestr o asedau gwybodaeth ar draws y sefydliad ochr yn ochr ag ystorfa metadata
• Nodi'r setiau data hanfodol ar draws y Cyngor a gwella'u hansawdd
• Rhoi safonau data cyffredin ar waith ar draws y Cyngor
• Hyrwyddo rhannu data rhwng timau a sicrhau bod setiau data hanfodol yn barod i'w cysylltu

Cenhadaeth 2: Ymchwil

Hyrwyddo diwylliant ar draws y Cyngor lle y defnyddir allbynnau ymchwil gan y sawl sy'n gwneud penderfyniadau i dargedu gwasanaethau lle byddant yn cael yr effaith fwyaf ar wella bywydau pobl, lleihau anghydraddoldeb a lleihau galw yn y dyfodol.

• Datblygu medrusrwydd ein staff a'n gallu i gomisiynu, cyd-gynhyrchu a defnyddio ymchwil
• Sicrhau bod y sawl sy'n gwneud penderfyniadau'n cael mynediad hawdd ac amserol at y sylfaen wybodaeth bresennol
• Nodi a blaenoriaethu'r ymchwil a fydd yn cefnogi cyflwyno'n rhaglenni trawsnewid strategol
• Sefydlu dulliau cydweithredu cryf â chyrff cyhoeddus a sefydliadau ymchwil eraill i gomisiynu ymchwilio newydd a gwneud ceisiadau am gyllid

Cenhadaeth 3: Sgiliau data

Sicrhau bod gan staff ac aelodau'r sgiliau data angenrheidiol i weithio'n fwy effeithlon a chyflwyno gwell canlyniadau.

• Datblygu gallu a medrusrwydd dadansoddwyr, swyddogion perfformiad, ysgrifenwyr adroddiadau ac eraill i gyflwyno data a dadansoddiadau’n glir ac yn effeithiol
• Rhoi rhaglen hyfforddiant ar waith mewn meysydd lle mae galw mawr (dylunio arolygon/casglu data, dadansoddi a delweddu, ansawdd data a chysylltu data)
• Creu cymunedau ymarfer i rannu gwybodaeth ac arfer gorau mewn pynciau sy'n gysylltiedig â data

Cenhadaeth 4: Dadansoddi a delweddu

Cefnogi'r sawl sy'n gwneud penderfyniadau gyda dadansoddiadau a delweddu o ansawdd uchel fel y gallant fod yn hyderus eu bod yn gweld yr holl wybodaeth berthnasol a'u bod wedi'u grymuso i ddod o hyd i'r llwybr gorau posib sy'n cydbwyso anghenion a blaenoriaethau

• Dewis yr offer mwyaf priodol fel y gellir cael mynediad at allbynnau'n hawdd
• Defnyddio dadansoddiadau data ansoddol a meintiol
• Gweithio gydag arweinwyr y gwasanaeth i nodi bylchau

Cenhadaeth 5: Arloesedd

Archwilio ffyrdd newydd ac arloesol o ddefnyddio data a thechnoleg i ysgogi effeithlonrwydd ac ansawdd ein gwasanaethau

• Arbrofi gyda'r Rhyngrwyd Pethau, dysgu peirianyddol a Deallusrwydd Artiffisial arloesol
• Dysgu gan sefydliadau eraill
• Sicrhau bod staff yn cael eu cefnogi i drosi syniadau blaengar yn welliannau mewn gwasanaethau ac effeithlonrwydd

• Bydd gwybod ein hasedau data yn ein galluogi i wneud penderfyniadau gwell a 'gweithio'n gallach'. Bydd gennym well dealltwriaeth o sut gall ein data gefnogi cyflwyno'n cynlluniau corfforaethol, a byddwn yn gallu blaenoriaethu gwelliannau i asedau data hanfodol.
• Bydd rheoli a gwella ansawdd ein hasedau data yn cynyddu ein gallu i ddibynnu arnynt ac ymddiried ynddynt, lleihau risgiau (o ran enw ac eraill) a chostau sy'n gysylltiedig â data o ansawdd gwael, lleihau dyblygu ac arbed amser i staff a defnyddwyr.
• Bydd mabwysiadu safonau data y cytunwyd arnynt gan y diwydiant ar draws y Cyngor yn ein helpu i gasglu data perthnasol, sicrhau cysondeb, integreiddio systemau mewnol yn ddidrafferth a chysylltu â setiau data agored allanol. Bydd hyn yn gwella gwerth ein data, yn hybu effeithlonrwydd ac yn lleihau gwallau drud.
• Bydd cysylltu setiau data yn darparu golwg ehangach, fwy cyfannol ac yn arwain at fewnwelediadau newydd nad oedd ar gael i ni o'r blaen.
• Bydd gwell dealltwriaeth o'r corff o wybodaeth ac ymchwil presennol yn galluogi uwch-reolwyr i seilio'u penderfyniadau ar dystiolaeth gadarn.
• Gyda'r ymchwil gywir bydd gennym well dealltwriaeth o brofiadau personol grwpiau na chlywir ganddynt yn aml. Bydd hyn yn caniatáu i ni roi gwell gwasanaethau iddynt.
• Bydd dadansoddi ein gwasanaethau a'u canlyniadau'n galluogi rheolwyr i ddeall a yw canlyniadau disgwyliedig i breswylwyr yn cael eu gwireddu.
• Pan gedwir ein data'n ddiogel, mae mwy o ymddiriedaeth yn y ffordd rydym yn ei ddefnyddio.
• Bydd yn hanfodol cydweithio ar draws ystod eang o sectorau a sefydliadau er mwyn cyflawni ein nodau oherwydd fel Cyngor, nid yw'r holl sgiliau hyn gennym yn fewnol.
• Bydd staff â'r sgiliau data cywir yn gallu bod yn hyderus wrth ddefnyddio data i gynllunio a chyflwyno gwasanaethau.

• Bod yn ystwyth: dechrau gyda phrosiectau bach eglur a datblygu lle y gellir cyflawni'r budd mwyaf.
• Dilyn argymhellion yr Asesiad Aeddfedrwydd Data.
• Gweithio gyda rhanddeiliaid perthnasol i reoli setiau data hanfodol.
• Parhau i ddatblygu ein llwyfan gwyddor data i rannu allbynnau gwyddor data ar draws y Cyngor. Bydd yr allbynnau hyn yn amrywio o ddelweddu disgrifiadol i ddadansoddi ystadegol a modelu rhagfynegol.
• Cyfathrebu am ein gwaith i fwyafu ei fudd.
• Creu llwybrau gyrfa data a pharhau i sicrhau bod gan ein staff y sgiliau cywir drwy hyrwyddo hyfforddiant ym maes data a chreu cymunedau ymarfer.
• Meithrin cydweithredu cryf â phartneriaid o'r byd academaidd, iechyd cyhoeddus, cyrff statudol, sefydliadau gwirfoddol a'r gymuned i gyd-greu ymchwil newydd a fydd yn rhoi'r dystiolaeth sydd ei hangen arnom i lywio polisi ac arfer.
• Datblygu llywodraethu ymchwil hanfodol, medrusrwydd a gallu a gweithio tuag at sicrhau fod ein data yn barod ar gyfer ymchwil.
• Ystyried moeseg pan ddaw hi’n fater o ddata a phreifatrwydd a rhoi technoleg newydd ar waith.