Strategaeth Tai a Digartrefedd

Cynllun Pontio Ailgartrefu Cyflym 2022-27

Mae'r cynllun hwn yn amlinellu trawsnewidiad Cyngor Bwrdeistref Sirol Castell-nedd Port Talbot i ddefnyddio'r model ailgartrefu cyflym i fynd i'r afael â digartrefedd dros y pum mlynedd nesaf. Mae hyn yn dilyn cynllun gweithredu lefel uchel Llywodraeth Cymru (LlC) 2021-2026 "Dod â Diwedd ar Ddigartrefedd yng Nghymru" a gydnabu'r pwysau sylweddol a chynyddol ar wasanaethau digartrefedd, a'r brys i wneud "newid trawsnewidiol sydd ei angen i ddod â digartrefedd i ben".

Strategaeth Tai a Digartrefedd 2024-2027

Mae ein Cynllun yn nodi datganiad clir o fwriad i gymryd camau sy'n sicrhau bod holl bobl Castell-nedd Port Talbot yn gallu cael mynediad cyflym at dai o safon sy'n fforddiadwy a bod digon o ymyriadau i atal a lliniaru digartrefedd.

Polisi Codi Tâl Llety Dros Dro Chwefror 2024

Mae'r Polisi hwn yn manylu ar y fframwaith y mae Cyngor Bwrdeistref Sirol Castell-nedd Port Talbot yn bwriadu ei ddefnyddio i godi ffi drwydded ar aelwydydd digartref sy'n byw mewn Llety Dros Dro lle nad ydynt yn gymwys i gael Budd-dal Tai llawn neu lle nad ydynt wedi gwneud cais am Fudd-dal Tai.

Polisi Atal ac Adfer Ôl-ddyledion Rhent Ebrill 2024

Mae'r Polisi hwn yn disgrifio'r dull sydd ei angen gan Gyngor Bwrdeistref Sirol Castell-nedd Port Talbot i orfodi telerau cytundebau trwydded/tenantiaeth pobl sy'n meddiannu llety dros dro a roddir iddynt gan y Cyngor wrth gyflawni ei ddyletswyddau o dan Ddeddf Tai (Cymru) 2014.

Asesiad o Lety Sipsiwn a Theithwyr

Derbyniodd y Cyngor gadarnhad ysgrifenedig ar 8 Mawrth 2024 gan Lywodraeth Cymru fod astudiaeth Asesiad Llety Sipsiwn-Teithwyr (GTAA) 2022 wedi'i chymeradwyo.

Mae'r Astudiaeth 2022 hon yn disodli'r astudiaeth flaenorol a gynhaliwyd yn 2016.

Yn unol â Rhan 3 o Ddeddf Tai (Cymru) 2014, mae'n rhaid i'r Cyngor gynnal Asesiad Llety Sipsiwn a Theithwyr (GTAA) newydd i asesu anghenion llety'r Gymuned Sipsiwn a Theithwyr yn y dyfodol bob 5 mlynedd. Mae GTAA 2022 yn nodi'r gofyniad am ddarpariaeth safle ychwanegol yng Nghastell-nedd Port Talbot ar gyfer lleiniau preswyl parhaol a/neu leiniau tramwy yn y tymor byr a hyd at 2036.

Mae'r GTAA nesaf i fod i gael ei gwblhau a'i gyhoeddi erbyn 24 Chwefror 2027.