Cymorth i'r di-Gymraeg

Mae ein holl ysgolion cyfrwng Cymraeg yn cynnig cefnogaeth i rieni sy'n siarad Saesneg.

Nid yw'r rhan fwyaf o rieni sy'n anfon eu plant i ysgolion cyfrwng Cymraeg yn siarad Cymraeg. Mae'r cwricwlwm wedi'i gynllunio gyda hyn mewn golwg.

Bydd yr holl gyfathrebu o ysgol eich plentyn yn ddwyieithog.

Cymorth gyda gwaith cartref

I ddisgyblion iau, bydd cyfarwyddiadau gwaith cartref yn Saesneg a Chymraeg. Bydd plant hŷn yn gallu esbonio eu gwaith i'w rhieni eu hunain.

Bydd staff yr ysgol hefyd yn gallu helpu os oes gennych unrhyw gwestiynau.

Sgiliau iaith Saesneg

Ni fydd dysgu Cymraeg yn niweidio Saesneg eich plentyn a gall hyd yn oed ei helpu i wella.

Mae disgyblion mewn ysgolion cyfrwng Cymraeg yn dal i astudio Saesneg fel pwnc. Byddant yn cyrraedd yr un safon o Saesneg â'r rhai mewn ysgolion cynradd cyfrwng Saesneg.

Mae cwricwlwm Saesneg TGAU a Safon Uwch yr un peth mewn ysgolion cyfrwng Cymraeg a Saesneg.

Newydd-ddyfodiaid a throchiad hwyr

Canolfan Iaith y Cwm yn ganolfan trochi iaith Gymraeg. Mae'n darparu cyrsiau i blant 7-11 oed:

sydd newydd i'r Gymraeg
sydd eisoes mewn addysg cyfrwng Cymraeg

Bydd y ganolfan yn datblygu sgiliau iaith eich plentyn ac yn rhoi hyder iddynt wrth ddefnyddio'r Gymraeg.