Cyfleusterau Cymunedol
Trosolwg
Mae 17 o gyfleusterau cymunedol ledled Castell-nedd Port Talbot wedi cael eu gwella diolch i £400,000 o gyllid drwy Gronfa Ffyniant Cymunedol y Gronfa Ffyniant Gyffredin y DU (CFfGDU).
Hygyrchedd
Helpodd y cyllid sefydliadau lleol i greu mannau gwell i bobl leol.
Roedd y gwelliannau'n cynnwys:
- offer chwarae newydd
- toiledau a chyfleusterau newid hygyrch
- ailwynebu meysydd parcio
- lloriau newydd mewn campfeydd ac adeiladau cymunedol
- uwchraddio ceginau ac ardaloedd caffi
- goleuadau a systemau gwresogi ynni-effeithlon
- offer newydd ar gyfer canolfannau cymunedol a chanolfannau dydd
Mae mwy o bobl bellach yn cymryd rhan mewn gweithgareddau lleol. Mae hyn yn helpu i wella iechyd, llesiant a chysylltiadau cymunedol.
Grantiau a chyllid
Ffynhonnell y Cyllid
Cronfa Ffyniant Gyffredin y DU (CFfGDU)
Swm a Ddyfarnwyd
£400,000
Beth a Gefnogwyd gan y Cyllid
Helpodd y cyllid 17 o grwpiau cymunedol yng Nghastell-nedd Port Talbot i wella cyfleusterau lleol. Gwnaeth y gwaith y lleoedd hyn yn fwy diogel ac yn haws eu defnyddio. Fe wnaeth hefyd wella mynediad i breswylwyr. Gall pobl bellach ddefnyddio'r mannau hyn drwy gydol y flwyddyn.
Nodweddion y prosiect
Creu mannau cymunedol mwy hygyrch
Defnyddiodd sefydliadau'r cyllid i wella hygyrchedd i bobl ag anghenion ychwanegol. Roedd hyn yn cynnwys toiledau hygyrch, cyfleusterau newid cynhwysol a chynlluniau adeiladau gwell.
Cefnogi gweithgareddau cymunedol
Mae'r cyfleusterau gwell wedi helpu grwpiau lleol i groesawu mwy o bobl a chynnig mwy o weithgareddau. Gall pobl leol bellach wneud gwell defnydd o'r mannau hyn.
Buddsoddi mewn gwelliannau hirdymor
Gwnaeth llawer o sefydliadau uwchraddio eu systemau gwresogi, goleuo a'u hoffer. Mae'r gwelliannau hyn yn helpu i leihau costau rhedeg tra'n creu cyfleusterau gwell i'r gymuned.
Beth ddywedodd sefydliadau lleol wrthym
"Mae'r gwaith o adnewyddu'r toiled hygyrch wedi gwneud y ganolfan yn fwy cynhwysol i bobl ag anghenion ychwanegol. Mae wedi cryfhau ein hymrwymiad i hygyrchedd a chydraddoldeb."
- YMCA Castell-nedd
"Mae gennym bellach ddigon o oleuadau i gadw'r MUGA ar agor ar ôl iddi nosi. Gall tîm rygbi merched lleol, teuluoedd a phobl ifanc ddefnyddio'r cyfleuster ar ôl ysgol."
- Clwb Rygbi Glyn-nedd
"Roedd hi'n anhygoel, ac yn rhyddhad mawr, cael y cyllid drwy Gyngor Castell-nedd Port Talbot o Gronfa Ffyniant Gyffredin y DU i brynu caban symudol fel ein pencadlys."
- Sied Dynion Glyncorrwg
"Mae'r gwelliannau i'r ystafelloedd newid wedi gwneud gwahaniaeth enfawr i ffordd mae ein merched yn teimlo am ddefnyddio'r cyfleuster. Mae bellach yn teimlo fel lle sy'n perthyn iddyn nhw gymaint ag i unrhyw un arall."
- The Welsh All Blacks