Ymgynghoriadau

Darllenwch ein datganiad preifatrwydd

Diolch am ymweld â thudalen ymgynghori Cyngor Bwrdeistref Sirol Castell-nedd Port Talbot, lle gallwch roi sylwadau ac adborth ar bynciau sy'n berthnasol i Gastell-nedd Port Talbot.

Edrychwn ymlaen at ddarllen eich ymatebion ar ein ymgynghoriadau.

Gwella Teithio Llesol a mannau cyhoeddus Sandfields

Yn dilyn ymgysylltiad â'r cyhoedd a gynhaliwyd ym mis Ionawr 2024 ar gynigion dylunio cychwynnol y llwybr ar gyfer ardal Uwchgynllun Teithio Llesol Sandfields, rydym wedi bod yn datblygu dyluniadau manylach ar gyfer y prif lwybrau â blaenoriaeth.

Mae'r prosiect hwn yn bwriadu ei wneud yn haws, yn fwy diogel ac yn fwy pleserus i bobl gerdded, olwyno a beicio o gwmpas ardal Sandfields a glan môr Aberafan. Hyd y llwybr hwn yw oddeutu 4.7km ac mae'n canolbwyntio ar sawl stryd leol bwysig, gan gynnwys:

Ffordd Solar
Rhodfa Handel
Rhodfa Purcell
Rhodfa Scarlet
Ffordd y Dywysoges Margaret
Heol Victoria
Heol Saint Paul

Gyda'i gilydd, bydd y gwelliannau hyn yn creu llwybr cylchredol mwy hygyrch a deniadol sy'n cysylltu Llwybr 4 y Rhwydwaith Beicio Cenedlaethol ar Ffordd Afan â chyrchfannau allweddol ar hyd glan y môr.

Mae'r prosiect teithio llesol hwn yn cyd-fynd ag ymdrechion adfywio ehangach gyda'r nod o adfywio tri man cyhoeddus allweddol. Bydd y gwelliannau hyn yn gwneud yr ardaloedd yn fwy deniadol, yn cryfhau cysylltiadau yn y gymdogaeth ac yn helpu i greu lle glanach, gwyrddach a mwy bywiog i breswylwyr ac ymwelwyr. Mae'r mannau'n cynnwys yr ardaloedd canlynol:

o gwmpas caffi Memo Beach
ger y parc sglefrio
y ddyfodfa at Ysgol Gynradd Tywyn

Mae'r prosiect hwn yn cyd-fynd ag uwchgynllun parhaus Glan Môr Aberafan, sydd wedi'i ddylunio i wella'r ardal er budd y gymuned gyfan yn ogystal ag ymwelwyr.

Map o faint y cynllun

Cyllid

Mae'n bwysig nodi bod y prosiect hwn wedi'i ariannu'n llawn drwy grant gan Lywodraeth Cymru. O ganlyniad, gall y cyngor ond defnyddio cyllid Teithio Llesol ar gyfer gwelliannau i isadeiledd cerdded, beicio ac olwyno. Ni ellir ei ddefnyddio'n gyfreithlon at unrhyw bwrpas arall.

Lawrlwythiadau

Mae'r atodiadau isod yn darparu mwy o fanylion.

Arolwg

Byddwn yn defnyddio'ch adborth i fireinio a chwblhau'r cynigion dylunio manwl.

Rydym yn awyddus i glywed eich barn rhwng 11 Chwefror ac 11 Mawrth 2026.

Dweud eich dweud

Mwy o wybodaeth

Oes gennych fwy o gwestiynau? Gallwch ddod i ddigwyddiadau ymgysylltu wyneb yn wyneb yng Nghanolfan Hamdden Aberafan:

Dydd Llun 2 Mawrth – 3.00 pm i 7.00 pm
Dydd Sadwrn 7 Mawrth – 10.00 am i 1.00 pm

Bydd aelodau o'r tîm ar gael i siarad â chi am y cynigion.

Mae copïau papur o'r ffeiliau uchod y gellir eu lawrlwytho a'r arolwg hefyd ar gael o Lyfrgelloedd Sandfields, Port Talbot a Chastell-nedd.

Os oes angen mwy o wybodaeth arnoch, cysylltwch â ni drwy e-bost: activetravel@npt.gov.uk

Prosiect Teithio Llesol Cyswllt Pont Newbridge Road

Rydyn ni eisiau eich help i sicrhau bod prosiect Pont Newbridge Road yn cwrdd gydag anghenion cymuned chi. Rhannwch eich meddyliau trwy gwblhau ein holiadur adborth ni.

Bydd y prosiect Teithio Llesol Cyswllt Pont Newbridge Road yn adfer yr adeiladwaith hanesyddol Gradd II ac yn ail agor fel llwybr hygyrch diogel i gerddwyr a beicwyr, sy’n creu cysylltiad hanfodol rhwng ardaloedd allweddol Port Talbot.

Bydd y cynllun yn trawsnewid y bont mewn i lwybr a rennir rhwng Ffordd Riverside a Ffordd Newbridge, wedi’i ategu gan droedffordd newydd ar hyd Ffordd Riverside a mesurau gosteg traffig ar Ffordd Newbridge i wella diogelwch ac annog teithio llesol.

Mae ail agoriad Pont Newbridge Road yn cael ei ystyried gyda’r Uwchgynllun Teithio Llesol Sandfields ehangach, sy’n nodi ei gwneud yn haws i bawb i gerdded, beicio neu olwyn ar deithiau pob dydd.

Bydd ymgynghoriad cyhoeddus am y prosiect Pont Newbridge Road yn digwydd rhwng dydd Llun yr 2il o Chwefror I ddydd Sul yr 15ed o Fawrth 2026. Rydyn ni yn awyddus i ddeall eich barn chi i sicrhau bod y cynllun yn gwasanaethu anghenion chi a’r gymuned.

Digwyddiad galw heibio

Bydd tri digwyddiad galw heibio yn cael ei chynnal mewn dau leoliad ble gallwch chi drafod y cynigion gyda Chyngor Castell-nedd Port Talbot a'u hymgynghorwyr, Amey. Bydd y rhain yn cael ei chynnal ar y dyddiadau a lleoliadau dilynol -

Canolfan Hamdden Aberavon, The Princess Margaret Way ar:

Dydd Iau 12 Chwefror 2026, 9yb-5yp
Dydd Gwener 13 Chwefror 2026, 1yp-7:30yp

Canolfan Siopa Aberafan, Port Talbot, SA13 1PB ar:

Dydd Sadwrn 14 Chwefror 2026, 9yb-12yp

Llawrlwythiadau

Dweud eich dweud

Dweud Eich Dweud 2026: Helpwch i sicrhau bod lleisiau gweithwyr gofal cymdeithasol yn cael eu clywed

Mae'r arolwg Gofal Cymdeithasol Cymru ein o’r gweithlu gofal cymdeithasol ar gyfer 2026 bellach yn fyw!

Mae’r arolwg yn rhoi cyfle i weithwyr ddweud eu dweud am bethau fel eu hiechyd a’u llesiant, tâl ac amodau, a sut maen nhw’n teimlo am weithio yn y sector.

Mae’r ymatebion yn rhoi cipolwg gwych i ni ar sut beth yw gweithio ym maes gofal cymdeithasol yng Nghymru ac yn ein helpu ni a’n partneriaid i lywio’r gefnogaeth rydyn ni’n ei gynnig. Maen nhw hefyd yn tynnu sylw Llywodraeth Cymru at faterion pwysig ac yn ein helpu i fonitro tueddiadau dros amser.

Bydd yr arolwg yn cau ar 4 Mawrth..

Ewch i’r wefan Gofal Cymdeithasol Cymru i gael mwy o wybodaeth.

Dweud eich dweud

Ymgynghoriadau’r Amgylchedd

Ymgynghoriadau sy’n ymwneud â’r amgylchedd, gan gynnwys Cynllunio, Trafnidiaeth, Bioamrywiaeth a