Grantiau'r Trydydd Sector 2025/2026

Mae cronfa Grantiau Trydydd Sector Castell-nedd Port Talbot bellach ar agor ar gyfer ceisiadau blwyddyn ariannol 2025/2026.

Mae’r cyngor yn cynnig cyfle i gyrff trydydd sector wneud cais am gyllid 12 mis i gyflwyno gweithgareddau, prosiectau cymunedol, neu i dalu am gostau craidd. 

Y cyfanswm sydd ar gael yw £239,000 a gofynnir i sefydliadau ystyried yn ofalus y swm y byddan nhw’n gwneud cais amdano (gan y bydd angen i’r cyfanswm gael ei rannu ar draws sawl sefydliad sy’n llwyddiannus).

Gwahoddir ceisiadau sy'n arddangos:

1. Cyfraniad at gyflawni polisïau a blaenoriaethau allweddol fel y cytunwyd yng Nghynllun Corfforaethol 2024/2027 y Cyngor
2. Lleihau’r galw ar wasanaethau’r cyngor
3. Neilltuo adnoddau ychwanegol. Mae croeso arbennig i geisiadau sy’n dangos sut defnyddir cyllid y cyngor i neilltuo adnoddau ychwanegol fydd yn cefnogi blaenoriaethau’r cyngor
4. Cynaliadwyedd ariannol. Bydd y cyngor am gael ei fodloni nad yw’r ymgeisydd yn ddibynnol ar gyllid parhaus gan y cyngor i sicrhau cynaliadwyedd ariannol

Yn ogystal â’r meini prawf uchod, bydd yn hanfodol bwysig bod y ceisiadau a gynigir hefyd yn dangos sut bydd y gweithgareddau’n cyfrannu at unrhyw rai o’r meysydd ffocws allweddol canlynol, lle mae’r cyngor yn wynebu galw a chostau cynyddol ar hyn o bryd:

• taclo tlodi plant
• iechyd meddwl
• oedolion bregus

Gellir cyflwyno ceisiadau yn Gymraeg, ac ni fydd cais a gyflwynir yn Gymraeg yn cael ei drin yn llai ffafriol na chais a gyflwynir yn Saesneg.

• Gofynnir i chi ddarllen y Cynllun cyn llenwi ffurflen gais.
• Dylai ceisiadau ddangos sut mae'r cynnig yn cofleidio egwyddor Datblygu Gynaliadwy fel y ceir yn y Deddf Lles Cenedlaethau'r Dyfodol (Cymru) 2015.
• Dyddiad cau ar gyfer ceisiadau: 24 Ionawr 2025.
• Hysbysir ymgeiswyr a fuont yn llwyddiannus yn dilyn penderfyniad y Cabinet ar 19 Mawrth.
• Bydd y cyllid yn cychwyn ar/wedi 1 Ebrill 2025.

Os hoffech chi siarad â swyddog am eich cais arfaethedig, neu os bydd gennych unrhyw gwestiynau, cysylltwch â: