Datganiad I'r Wasg
Tipiwr anghyfreithlon yn cael ei orchymyn i dalu dros £5,000 ar ôl cael ei ddal gan gamera cudd yng Nghastell-nedd
17 Ebrill 2026
Mae dyn sydd â chysylltiadau â Bryste wedi cael ei orchymyn i dalu dros £5,000 ar ôl i gamera cudd ddal cyfres o ddigwyddiadau o dipio anghyfreithlon yng Nghastell-nedd.
Roedd cwmni wedi bod yn ymdrin â nifer o achosion o wastraff yn cael ei osod yn anghyfreithlon ger ei fynedfa oddi ar yr A4109 yn y Creunant, gan gynnwys pentyrrau o ddeunydd rendro waliau mewnol.
O ganlyniad i ba mor aml roedd hyn yn digwydd, cafwyd camera CCTV ei osod yn y lleoliad a wnaeth ddal y troseddwr.
- Mae’r ffilm yn dangos cerbyd yn cyrraedd y safle a pherson yn tynnu eitemau allan o gist y car/cerbyd gan eu gadael yn y lleoliad cyn gyrru i ffwrdd.
- O fewn ychydig ddiwrnodau, gwelwyd dyn yn gyrru BMW glas yn y safle’n tynnu cynwysyddion allan o gist y cerbyd a gadawyd y rhain wrth ymyl y traciau. Gwelwyd hefyd eitem yn cael ei thaflu allan o ffenestr y gyrrwr.
- Ychydig ddiwrnodau wedyn rhwng 3pm a 4pm, cyrhaeddodd dyn yn yr un cerbyd (BMW glas). Tynnodd y dyn fagiau tunnell gwaith adeiladu o gist y car cyn eu gwagio yn y safle a gyrru i ffwrdd.
Adroddwyd am y mater i CBSCNPT a arweiniodd at ymchwiliad gan adran Rheoli Gwastraff Cyngor Castell-nedd Port Talbot.
Dangosodd gwiriadau DVLA ar y cerbyd mai'r perchennog cofrestredig oedd Mr Jurij Sarcenkov o Uplands Road, Bryste, BS16 4JU. Dangosodd llun ar Google Street View o fis Ebrill 2025 gerbyd sy’n cydweddu â'r disgrifiad ar rodfa'r cyfeiriad.
Dros gyfnod y Nadolig, nodwyd bod y BMW glas wedi'i gysylltu ag eiddo ar Heol Castell-nedd, y Creunant lle gwelwyd y gyrrwr yn gadael y cerbyd ac yn mynd i mewn i'r cyfeiriad. Gwnaeth wiriad ar Dreth y Cyngor gadarnhau bod yr eiddo wedi'i gysylltu â Mr. Sarcenkov, a wnaeth gadarnhau hyn yn ystod cyfweliad dan rybudd.
Daeth ymchwilwyr hefyd o hyd i wastraff rendro yng ngardd flaen yr eiddo a oedd yn cydweddu â disgrifiad yr hyn a waredwyd ger mynedfa'r cwmni. Darganfuwyd hefyd fagiau gwaith adeiladu yn yr ardd wrth ymyl yr eiddo.
Cafodd Mr Sarcenkov - perchennog cofrestredig y cerbyd - ei gyfweld gan swyddogion Rheoli Gwastraff yng Nghanolfan Ddinesig Castell-nedd lle roddodd yr ateb o ‘dim sylw’ i bob cwestiwn.
Ar 2 Ebrill 2026, yn Llys Ynadon Abertawe, cafwyd Jurij Sarcenkov, sy’n 40 mlwydd oed o Uplands Road, Bryste, BS16 4JU, yn euog o 3 trosedd yn groes i adran 33 Deddf Diogelu’r Amgylchedd 1990. Bydd yn rhaid iddo dalu'r symiau canlynol:
- £1,000 ar gyfer pob trosedd (£3,000)
- £869.94 mewn costau
- Gordal Dioddefwr gwerth £1,200
Cyfanswm: £5,069.94
