Datganiad I'r Wasg
Yr Heddlu’n ymchwilio lladrad ‘ffiaidd’ placiau metel o Gofeb Ryfel Castell-nedd
Mae'r erthygl hon yn fwy na 11 mis oed
24 Gorffennaf 2024
Mae Heddlu De Cymru’n chwilio am ladron sydd wedi dwyn dau blac metel o’r Clwydi Coffa ger mynediad Parc Gwledig Ystâd Gnoll yng Nghastell-nedd.
Mae’r clwydi marmor a’r gyfres o blaciau sy’n ffurfio’n gofeb yn dwyn i gof bobl o’r ardal a gollodd eu bywydau yn ystod y Rhyfel Mawr a’r Ail Ryfel Byd.
Dywedodd llefarydd ar ran y Cyngor: “Dyma drosedd ffiaidd – trosedd yn erbyn treftadaeth – ac un sy’n dangos difaterwch llwyr dros aberth yr aelodau lleol o’r lluoedd arfog a roddodd eu bywydau drosom yn y rhyfeloedd.
“Hoffem apelio ar unrhyw un sy’n gwybod unrhyw beth am ddiflaniad y placiau hyn, neu unrhyw un a allai wybod ble maen nhw, i gysylltu â Heddlu De Cymru.”
Cymerwyd un o’r placiau ddydd Iau 18 Gorffennaf, a’r llall ddydd Sul 21 Gorffennaf 2013. Roedd y ddau blac wedi’u lleoli tua gwaelod y gofeb.
Gofynnir i unrhyw un a welodd unrhyw beth amheus ger y Clwydi Coffa ar y dyddiadau hynny i gysylltu â’u gorsaf heddlu leol, neu i ffonio 101.
