Datganiad I'r Wasg

Mae'r llwyddiant yn rhan o ymgyrch budd-daliadau wedi'i thargedu sy'n cael ei chynnal gan Gyngor Castell-nedd Port Talbot ar y cyd â'r cwmni meddalwedd a dadansoddeg polisi cymdeithasol Policy in Practice.

Daw cymorth ariannol ar gyfer y cynllun o Gronfa Ffyniant Gyffredin Llywodraeth y DU.

Cyngor Castell-nedd Port Talbot yw'r unig gyngor yng Nghymru sy'n defnyddio ymgyrch budd-daliadau wedi'i thargedu ar hyn o bryd. Mae'r ymgyrch wedi bod ar waith ers dechrau'r flwyddyn.

Mae Canghellor y Trysorlys, Rachel Reeves, wedi cyhoeddi mai dim ond pensiynwyr sy'n cael credyd pensiwn neu fudd-daliad arall sy'n dibynnu ar brawf modd a fydd yn cael y Taliadau Tanwydd Gaeaf, a oedd ar gael i bob pensiynwr o'r blaen.

Dywedodd y Cyngh. Simon Knoyle, sef Aelod Cabinet Cyngor Castell-nedd Port Talbot dros Gyllid, Perfformiad a Chyfiawnder Cymdeithasol: “Rydyn ni a'n partneriaid Policy in Practice yn credu bod y dull wedi'i dargedu hwn yn cynyddu'r nifer sy'n cael budd-daliadau yn llawer mwy effeithiol nag ymgyrchoedd sy'n annog pobl i edrych i weld a ydynt yn gymwys eu hunain.

“Mae wedi bod yn ddechrau da i ni, ond megis dechrau yw hyn – rydyn ni'n bwriadu chwilio am lawer mwy o bobl sy'n byw yn y fwrdeistref sirol ac sy'n gymwys i gael budd-daliadau.”

Mae ffigurau Llywodraeth y DU yn awgrymu bod gwerth tua £117m o Gredyd Pensiwn yn cael ei adael heb ei hawlio bob blwyddyn yng Nghymru yn unig.

Ond, yng Nghastell-nedd Port Talbot rhwng mis Ionawr a mis Awst eleni, mae dwsinau o aelwydydd wedi cael cyfanswm o £232,326 mewn incwm Credyd Pensiwn blynyddol, yn ogystal â bod yn gymwys i gael Taliadau Tanwydd Gaeaf gwerth cyfanswm o fwy na £14,000.

Mae ymgyrch Castell-nedd Port Talbot wedi bod yn defnyddio Traciwr Teuluoedd Incwm Isel (‘Low Income Family Tracker’ – LIFT) Policy in Practice.

Caiff adnodd LIFT ei weinyddu gan Policy in Practice ac mae'n defnyddio data mewn rhywbeth y mae'r cwmni'n ei alw'n ‘beiriant modelu polisi’. Mae rhai hawlwyr yn cael eu hadnabod fel gofalwyr ac mae'n bosibl y bydd yr incwm blynyddol ychwanegol hwn nawr yn eu helpu i barhau i ofalu am fwy o amser.

Dolenni defnyddiol:

             * 01639 685225 neu e-bostiwch welfarerights@npt.gov.uk (I drigolion Castell-nedd Port Talbot yn unig)

             * Pension Credit: How to claim - GOV.UK (www.gov.uk)

             * Pension credit advice | Age UK