Datganiad I'r Wasg

Menter Haf o Hybu Lles yw'r gyntaf o'i math yng Nghraig Gwladus ac mae'n bosibl diolch i gyllid o Gronfa Treftadaeth y Loteri Genedlaethol. Bydd y rhaglen ar agor i oedolion â phob lefel o brofiad, a bydd yn cynnwys amrywiaeth o sesiynau creadigol a therapiwtig wedi'u lleoli yng nghoetir heddychlon y parc.

Caiff gweithgareddau eu cynnal drwy gydol yr haf a dechrau'r hydref, gan gynnwys ysgrifennu creadigol, gwehyddu helyg, myfyrio, creu inciau naturiol, a darlunio â siarcol. Mae pob un o'r sesiynau wedi'u dylunio i helpu'r cyfranogwyr i arafu, defnyddio eu synhwyrau, a mwynhau'r manteision iechyd meddwl sydd i'w cael drwy dreulio amser yn yr awyr agored.

Amserlen y rhaglen:

Gwehyddu Eich Basged Helyg Eich Hun

Dydd Llun 23 Mehefin | 6:30pm – 9:00pm

Dydd Llun 30 Mehefin | 6:30pm – 9:00pm

Dydd Llun 7 Gorffennaf | 6:30am – 9:00pm

Straeon o'r Llwybrau: Gweithdy Ysgrifennu Creadigol

Dydd Llun 23 Mehefin | 6:30pm – 8:30pm

Dydd Llun 30 Mehefin | 6:30pm – 8:30pm

Dydd Llun 7 Gorffennaf | 6:30pm – 8:30pm

Myfyrio

Dydd Sadwrn 5 Gorffennaf | 8am – 9am

Dydd Sadwrn 12 Gorffennaf | 8am – 9am

Dydd Sadwrn 19 Gorffennaf | 8am – 9am

Creu Papur o Blanhigion Gwyllt

Dydd Llun 14 Gorffennaf | 6:30pm – 8:30pm

Dydd Llun 21 Mehefin | 6:30pm – 8:30pm

Ymlacio a Llifo

Dydd Sadwrn 26 Gorffennaf | 9:30am – 11am

Dydd Sadwrn 2 Awst | 9:30am – 11am

Geiriau yn y Goedwig

Dydd Llun 15 Medi | 6:30pm – 8:30pm

Dydd Llun 22 Medi | 6:30pm – 8:30pm

Dydd Llun 29 Medi | 6:30pm – 8:30pm

Creu Inciau Naturiol

Dydd Llun 28 Gorffennaf | 6:30pm – 9pm

Darlunio â Siarcol

Dydd Mawrth 2 Medi | 2pm – 4pm

Dywedodd y Cynghorydd Cen Phillips, sef Aelod Cabinet Cyngor Castell-nedd Port Talbot dros Natur, Twristiaeth a Llesiant: “Mae Parc Gwledig Craig Gwladus yn un o drysorau cudd Castell-nedd Port Talbot, ac mae'r rhaglen Haf o Hybu Lles newydd hon yn gyfle gwych i bobl fwynhau ei goetir heddychlon gan gymryd rhan mewn gweithgareddau a fydd yn eu hysbrydoli ar yr un pryd.

“Rydyn ni'n gwybod pa mor werthfawr y gall treulio amser ym myd natur fod i iechyd corfforol ac iechyd meddwl, a byddwn i'n annog trigolion i fanteisio i'r eithaf ar yr hyn sy'n cael ei gynnig yr haf hwn.”

Bydd prisiau'r sesiynau'n amrywio o £8 i £35, gyda chyfraddau gostyngol i bobl sy'n cadw lle mewn mwy nag un gweithdy. Er mai ar gyfer oedolion (18+ oed) y mae'r rhaglen wedi'i bwriadu yn bennaf, gall pobl ifanc 16-18 oed ddod i sesiwn gydag oedolyn neu â chaniatâd rhiant.

I weld yr amserlen lawn a chadw lle mewn sesiwn, ewch i: https://mailchi.mp/npt/woodland-wellness