O na! Mae ffyn candi Siôn Corn wedi diflannu i rywle - ac hebddyn nhw ni fydd gan ei sled ddigon o hwyl yr ŵyl i hedfan ar Noswyl Nadolig!
Mae'n galw ar bob helpwr bach yng Nghastell-nedd, Port Talbot a Phontardawe i ymuno â'r Llwybr Ffyn Candi i geisio dod o hyd iddyn nhw. Dilynwch y cliwiau, chwiliwch am y llythrennau cudd, ac adeiladwch y gair hud fydd yn rhoi'r pŵer sydd ei angen ar sled Siôn Corn i ddosbarthu anrhegion o gwmpas y byd.
Bachwch daflen y llwybrau, lapiwch yn gynnes a byddwch yn barod am antur i'r teulu drwy ganol eich tref leol - yn llawn disgleirdeb, llawenydd a hwyl yr ŵyl!
Sut i gymryd rhan
Rhwng 21 Tachwedd a 20 Rhagfyr 2025, dilynwch y camau isod i gymryd rhan yn Llwybr Ffyn Candi Cyngor Castell-nedd Port Talbot!
- Casglwch eich taflen weithgaredd Llwybr Ffyn Candi o'ch llyfrgell leol ym Mhontardawe, Castell-nedd neu Bort Talbot.
- Dilynwch y cliwiau i ddod o hyd i leoliadau o gwmpas y dref a chwiliwch am y llythrennau ar ffyn candi ger y fynedfa, neu ymhellach tu mewn i'r adeiladau.
- Dewch o hyd i'r gair hud gan ddefnyddio'r llythrennau ar y ffyn candi y byddwch yn eu canfod.
Unwaith y byddwch wedi canfod y gair hud, ewch yn ôl i'r llyfrgell lle cawsoch chi'r daflen a'i rhoi yn y blwch postio gyda'ch manylion i'w hanfon yn ôl at Siôn Corn ac i gasglu eich trît melys!
Mae nifer o dalebau siopau'r stryd fawr i'w hennill gwerth hyd at £200!
Ewch draw i bob un o'r tair tref er mwyn cael mwy o gyfleon i ennill!
Sadyrnau Cwrdd a Chyfarch Siôn Corn
Byddwch yn barod i gael hwyl dros yr ŵyl! Mae Siôn Corn yn cymryd egwyl o'i weithdy prysur i ymuno â Llwybr Ffyn Candi Castell-nedd Port Talbot a bydd yn ymweld â llyfrgelloedd ar draws yr ardal i gwrdd â'r holl blant bach da. Dewch draw i'w helpu i ddod o hyd i'r ffyn candi cyn ei noson fawr yn dosbarthu anrhegion!
Bydd Siôn Corn yn galw i mewn ar y dyddiadau canlynol:
- 22ain Tachwedd – Llyfrgell Pontardawe 10:00-12:30
- 29ain Tachwedd – Llyfrgell Port Talbot 10:00-13:00
- 6ed Rhagfyr – Llyfrgell Castell-nedd 10:00-13:00
Bydd yn rhannu llawenydd y gwyliau, yn dosbarthu nwyddau Nadoligaidd, a bydd yn hapus i gael tynnu ei lun gyda chi a'ch teulu. Peidiwch ag anghofio eich camera!
Mwynhewch hud y Nadolig wrth dreulio diwrnod yn y dref gyda'ch ffrindiau, eich teulu a'ch cymuned leol. Fedrwn ni ddim aros i'ch gweld chi yno!
