Llunio'r cais
Mae cais Port Talbot ar gyfer Tref Diwylliant y DU 2028 yn gyfle cyffrous i arddangos popeth sy’n gwneud ein tref yn arbennig; ein pobl, lleoedd, creadigrwydd, treftadaeth ac ysbryd cymunedol!
Bydd y cais yn adlewyrchu uchelgeisiau, syniadau a straeon pobl sy'n byw, yn gweithio ac yn gofalu am Port Talbot a Chwm Afan.
Os oes gennych chi syniad, prosiect neu stori i'w rhannu byddem wrth ein bodd yn clywed gennych.
Cymerwch ran
Dros yr ychydig fisoedd nesaf, byddwn yn cychwyn ar raglen helaeth o ymgysylltu â'r gymuned i helpu i lunio'r cais. Yn y cyfamser, rydym yn annog pawb i rannu eu syniadau, eu hawgrymiadau a’u cynigion o gefnogaeth trwy gyfeiriad e-bost swyddogol y Dref Diwylliant.
Bydd hyn yn ein helpu i sicrhau bod pob cyfraniad yn cael ei gasglu a'i ystyried wrth i'r cais ddatblygu a bod yr holl wybodaeth yn cael ei chasglu mewn un lle. I gymryd rhan drwy’r sianel swyddogol, cysylltwch â thîm y Dref Diwylliant yn uniongyrchol drwy’r mewnflwch newydd:
PortTalbotTOC@npt.gov.uk
Pam mae'n bwysig
Bydd cais Tref Diwylliant llwyddiannus yn rhoi cyfle i ddathlu popeth sy'n gwneud Port Talbot yn arbennig, tynnu sylw at dalent a chreadigrwydd lleol, a helpu i greu etifeddiaeth ddiwylliannol barhaus ar gyfer cenedlaethau'r dyfodol.
Edrychwn ymlaen at gydweithio i arddangos y gorau oll o Port Talbot a Chwm Afan.
Bydd diweddariadau pellach yn cael eu cyhoeddi ar y dudalen hon wrth i'r cais fynd rhagddo.
Mae cystadleuaeth Tref Diwylliant y DU yn rhan o uchelgais Llywodraeth y DU i gyflawni gwaddol hirhoedlog o gyfranogiad diwylliannol ac adfer balchder mewn ardaloedd lleol ym mhob rhan o Brydain.
