Problem gydag eiddo ar rent
Cysylltwch â'ch landlord neu asiant yn gyntaf
Mae'n rhaid i chi roi gwybod am broblem i'ch landlord neu asiant cyn cysylltu â ni.
Os byddwch yn rhoi gwybod am broblem dros y ffôn neu’n bersonol, dylech ategu hyn yn ysgrifenedig drwy:
- llythyr
- e-bost
- neges destun
Rhowch wybod i ni am broblem dim ond os ydych chi'n anhapus gydag ymateb y landlord neu'r asiant ar ôl 14 diwrnod.
Ysgrifennu cwyn
Gofynnwch i'r landlord neu'r asiant archwilio'r materion o fewn 14 diwrnod. Os oes angen, efallai y bydd atgyweiriadau yn cael eu trefnu ar gyfer dyddiad diweddarach.
Rhaid i chi gynnwys:
- y dyddiad
- eich enw a'ch cyfeiriad
- enw eich landlord neu asiant
- manylion am y problemau gyda’ch tŷ
Ceisiwch gynnwys cymaint o wybodaeth â phosibl am y broblem a chadwch gopi o'r llythyr, yr e-bost neu'r neges destun yr ydych yn ei anfon.
Gallwch wneud hyn drwy:
- sgrinlun
- argraffu
- llungopi
- ffotograff
Beth sy'n digwydd nesaf
Os ydych chi'n anfodlon gyda ymateb y landlord neu'r asiant ar ôl 14 diwrnod, defnyddiwch y ffurflen rhoi gwybod ar-lein isod i gysylltu â ni.
Gallwn ni:
- rhoi gwybod i’r landlord neu’r asiant ein bod wedi derbyn cwyn am ddiffyg atgyweirio
- rhoi 14 diwrnod iddynt ymateb i'r materion
- cynnal archwiliad o’ch eiddo os yw’ch landlord yn methu ag ymateb o fewn yr amser hwnnw
- cymryd camau gorfodi os oes angen i sicrhau bod atgyweiriadau'n cael eu gwneud
Eiddo Cymdeithasau Tai
Os ydych yn rhentu gan gymdeithas tai yng Nghymru, maent yn gyfrifol am:
- atgyweiriadau yn eich eiddo
- darparu gwybodaeth gyswllt ar gyfer rhoi gwybod am broblemau
Dilynwch eu trefn gwyno swyddogol i roi gwybod am unrhyw broblemau atgyweirio.
Ar ôl hynny, gallwch gysylltu ag Ombwdsman Gwasanaethau Cyhoeddus Cymru i ymchwilio i'ch cwyn os ydych yn dal yn anhapus.