Cerbydau wedi'u gadael
Arwyddion y gallai cerbyd fod wedi'i adael
Gall cerbyd fod wedi'i adael os yw'n:
- wedi bod yn yr un man am fwy na 14 diwrnod
- â theiars fflat, olwynion ar goll neu ffenestri wedi torri
- wedi'i ddifrodi'n wael
- wedi llosgi'n llwyr neu'n rhannol
- heb blatiau cofrestru
Os byddwn yn credu bod cerbyd wedi'i adael, efallai y byddwn yn:
- gwirio cofnodion y DVLA i gael manylion y ceidwad cofrestredig
- gosod hysbysiad ar y cerbyd
Cerbydau ar dir preifat
Gallwn ymchwilio i gerbydau sydd wedi'u gadael ar dir preifat.
Cyn symud cerbyd, fel arfer byddwn yn ymgynghori â pherchennog y tir neu'r asiant rheoli, ac yn gosod hysbysiad ar y cerbyd am 15 diwrnod.
Cerbydau na allwn eu hymchwilio
Cerbydau heb dreth
Os nad oes treth ar gerbyd, gallwch roi gwybod amdano i'r DVLA.
Cerbydau wedi'u dwyn neu gerbydau sy'n achosi rhwystr
Os ydych yn credu bod cerbyd wedi'i ddwyn neu'n achosi rhwystr ar y briffordd, cysylltwch â Heddlu De Cymru ar 101.
Cyn rhoi gwybod am gerbyd
Efallai y byddwn yn gofyn i chi gadarnhau ers faint o amser mae'r cerbyd wedi bod yn llonydd yn yr un lle.
Rhowch wybod i ni:
- gwneuthuriad a model y cerbyd
- y rhif cofrestru, neu gadarnhewch os nad oes platiau cofrestru arno
- lliw'r cerbyd
- cyflwr y cerbyd, gan gynnwys unrhyw ddifrod neu fandaliaeth
- union leoliad y cerbyd, er enghraifft y cyfeiriad agosaf
- ers faint o amser y mae wedi bod yno
- unrhyw wybodaeth sydd gennych am y perchennog neu'r defnyddiwr
- eich manylion cyswllt
Byddwn yn cadw eich manylion cyswllt yn gyfrinachol a gellir eu defnyddio i roi'r wybodaeth ddiweddaraf i chi am ein hymchwiliad.
Gall adroddiadau dienw neu adroddiadau sy'n cynnwys gwybodaeth ffug effeithio ar ein gallu i gynnal ymchwiliad.