Cynllun cymorth tanwydd gwresogi oddi ar y grid
Trosolwg
Mae Llywodraeth Cymru wedi dyrannu £3.8 miliwn i helpu aelwydydd yng Nghymru sy’n dibynnu ar olew gwresogi neu nwy petrolewm hylifedig (LPG).
Mae taliad untro o £200 bellach ar gael i aelwydydd incwm isel yng Nghastell-nedd Port Talbot sy’n gwresogi eu cartrefi gan ddefnyddio olew gwresogi neu LPG.
Cymhwystra
Efallai y byddwch yn gymwys os ydych yn:
- yn defnyddio olew gwresogi neu LPG fel eich prif ffynhonnell wresogi
- yn byw yn y cartref fel eich prif neu eich unig gartref
- yn gymwys i gael cymorth o’r Cynllun Gostyngiad Treth y Cyngor ar unrhyw adeg rhwng 1 Ebrill 2026 a 31 Gorffennaf 2026
Sut i wneud cais
Byddwn yn ysgrifennu at aelwydydd a allai fod yn gymwys i gael taliad ac yn eu gwahodd i wneud cais.
Gellir dychwelyd ffurflenni cais papur wedi’u cwblhau drwy’r post. Bydd ffurflen gais ar-lein ar gael yn fuan.
Fel rhan o’ch cais, bydd angen i chi ddarparu:
- cadarnhad o’ch math o danwydd gwresogi
- bil/anfoneb (wedi’i ddyddio o fewn y 12 mis diwethaf) i gefnogi pryniant olew neu LPG
- datganiad banc (wedi’i ddyddio o fewn y 6 mis diwethaf) i gadarnhau’r cyfrif banc lle dylid talu’r £200
Dim ond un taliad y gellir ei wneud fesul aelwyd. Y dyddiad cau ar gyfer ceisiadau yw 30 Medi 2026.
Os nad ydych wedi cael llythyr ond yn meddwl eich bod yn gymwys, gallwch barhau i wneud cais.
Cymorth a chefnogaeth ychwanegol
Gallwch weld rhagor o wybodaeth am help gyda chostau byw.
