Rhaglen diogelwch dŵr
Trosolwg
Mewn partneriaeth â RNLI Port Talbot, a gyda chefnogaeth Chymdeithas Achub Bywyd Frenhinol y DU (RLSS), rydym yn darparu:
- hyfforddiant diogelwch dŵr mewn ysgolion cynradd
- sgwrs diogelwch dŵr mewn ysgolion uwchradd
Mae Ysgolion Dŵr Clyfar yn rhaglen diogelwch dŵr rhad ac am ddim, sydd wedi ennill gwobrau, ac wedi’i chynllunio i ddysgu sgiliau diogelwch dŵr hanfodol i blant.
Bydd disgyblion yn datblygu gwybodaeth, sgiliau a dealltwriaeth hanfodol i’w helpu i:
- aros yn ddiogel o amgylch dŵr
- gwneud penderfyniadau gwybodus
- dangos ymddygiad cyfrifol
Beth fydd eich plentyn yn ei ddysgu
Disgyblion y Dosbarth Derbyn i Flwyddyn 2
Bydd plant yn y Dosbarth Derbyn i Flwyddyn 2 yn cymryd rhan mewn cyflwyniad rhagarweiniol ar ddiogelwch dŵr. Bydd gweithgareddau ymarferol sy’n briodol i’w hoedran yn eu helpu i ddechrau ar eu taith diogelwch dŵr.
Disgyblion Blwyddyn 3 i Flwyddyn 6
Bydd plant ym Mlwyddyn 3 i Flwyddyn 6 yn cymryd rhan mewn sesiynau diogelwch dŵr mwy manwl. Dros chwe wythnos, byddant yn datblygu eu dealltwriaeth a’u sgiliau ar gyfer aros yn ddiogel yn y dŵr ac o’i gwmpas.
Disgyblion Blwyddyn 7 i Flwyddyn 11
Bydd plant ym Mlwyddyn 7 i Flwyddyn 11 yn derbyn sgwrs broffesiynol ar ddiogelwch dŵr gan RNLI Port Talbot. Bydd hyn yn canolbwyntio ar y peryglon a’r risgiau sy’n gysylltiedig â nofio mewn dyfroedd agored.
