Gwneud cais am Ryddhad Ardrethi Busnes y Porthladd Rhydd Celtaidd
Os yw eich busnes mewn Safle Treth dynodedig y Porthladd Rhydd Celtaidd, efallai y byddwch yn gymwys i gael hyd at 100% o ryddhad ar eich ardrethi busnes.
Gall y rhyddhad bara am hyd at 5 mlynedd.
Meini prawf cymhwysedd
I fod yn gymwys ar gyfer Rhyddhad Ardrethi y Porthladd Rhydd, rhaid i chi ddangos sut mae eich busnes yn cefnogi nodau'r Porthladd Rhydd Celtaidd.
Nod y Porthladd Rhydd Celtaidd yw:
- cefnogi buddsoddiad cyhoeddus a phreifat sy'n helpu i gyflawni Safleoedd Treth a Safleoedd Tollau
- cefnogi trosglwyddiad teg i sero net
hyrwyddo adfywio a chreu swyddi o ansawdd uchel - sefydlu'r Porthladd Rhydd Celtaidd fel canolfan ar gyfer masnach a buddsoddiad
- hybu arloesedd
- cefnogi prosiectau sy'n:
- datblygu sgiliau
- denu buddsoddiad
- cefnogi adfywio
- helpu i gyflawni nodau sero net ar draws ardal y Porthladd Rhydd Celtaidd
Meini prawf eiddo
- Eiddo sy'n cael eu meddiannu am y tro cyntaf o fewn y Safle Treth
- Yn berthnasol i fusnesau newydd a busnesau presennol lle bu ehangu
- Estyniadau i adeiladau
- Meddiannu rhannau o adeiladau nad ydynt wedi cael eu defnyddio o'r blaen
- Gwelliannau sy'n dod â rhannau ni ddefnyddiwyd i ddefnydd, er enghraifft mesaninau
- Adnewyddu rhannau sydd eisoes yn cael ei ddefnyddio
- Ehangu i rhannau sydd eisoes wedi'i feddiannu
- Datblygiadau a gwblhawyd cyn dynodi'r Porthladd Rhydd
- Symud o leoliad arall yn ardal y Porthladd Rhydd heb greu swyddi newydd, llawr ychwanegol neu fuddion economaidd
Rheoli cymorthdaliadau
Mae rhyddhad ardrethi busnes y Porthladd Rhydd yn amodol ar reolau rheoli cymorthdaliadau.
Cyn derbyn y rhyddhad, rhaid i chi sicrhau bod eich busnes yn bodloni'r gofynion hyn. Rhaid i chi barhau i'w bodloni ar ôl i'r rhyddhad gael ei ddyfarnu.
Rhagor o wybodaeth
Darllenwch ganllawiau GOV.UK ar:
- the Subsidy Control Act 2022 (yn Saesneg)
- the UK's international subsidy control commitments (yn Saesneg)
Gwneud cais ar-lein
Rhaid gwneud ceisiadau drwy ddefnyddio'r ffurflen gais ar-lein isod.
Cyn i chi ddechrau
Bydd angen i chi gadarnhau:
- eich bod yn gymwys
- eich bod yn cydymffurfio â rheolau rheoli cymorthdaliadau
Gall y Cyngor ofyn am wybodaeth a thystiolaeth ychwanegol i gefnogi eich cais.
Os caiff eich cais ei gymeradwyo, bydd y rhyddhad yn cael ei gymhwyso'n uniongyrchol i'ch cyfrif ardrethi busnes.
