Atodiad 2 - mewn perthynas â: Deddf Diwygio Lesddaliad (Rhent Tir) 2022 Ebrill 2023

Rhagair

Mae'r polisi canlynol wedi'i addasu o dempled canllawiau Cenedlaethol a gynhyrchwyd i gynorthwyo awdurdodau gorfodi i weithredu Deddf Diwygio Lesddaliad (Rhent Tir) 2022 o fewn eu portffolio o weithgarwch.

Cynhyrchodd y tîm Safonau Masnach Cenedlaethol ar gyfer Asiantiaid Eiddo a Gosod Eiddo'r polisi templed hwn gan fod canllawiau statudol yr Adran Ffyniant Bro, Tai a Chymunedau yn ogystal â Llywodraeth Cymru (pwynt 6.1 yn y ddwy ddogfen) yn datgan y gallai’r awdurdodau gorfodi gysylltu â’r Tîm Safonau Masnach Cenedlaethol i gael rhagor o gyngor ar fabwysiadu polisi gorfodi o dan y Ddeddf hon. Mae'r Ddeddf yn cwmpasu pob rhan o Gymru a Lloegr. Mae gan awdurdodau pwysau a mesurau ddyletswydd statudol i orfodi'r Ddeddf, tra bydd gan awdurdodau dosbarth bŵer diamod i’w gorfodi.

Rhagarweiniad

Mae "Cyngor Bwrdeistref Sirol Castell-nedd Port Talbot" ("y Cyngor") wedi mabwysiadu'r polisi hwn ar gyfer penderfynu ar gosbau ariannol a/neu orchmynion adfer o dan y Ddeddf Diwygio Lesddaliad (Rhent Tir) 2022 ("y Ddeddf"), gan gyfeirio at yr ystyriaethau a ragnodir yng Nghanllawiau Statudol ar gyfer Awdurdodau Gorfodi [yr Adran Ffyniant Bro, Tai a Chymunedau] / Deddf Diwygio Lesddaliad (Rhent Tir) 2022:  canllawiau statudol ar gyfer awdurdodau gorfodi Llywodraeth Cymru] ] ("y canllawiau statudol").

Er bod y Ddeddf yn defnyddio'r termau "landlord" a "tenant",  mae’r polisi hwn, yn ogystal â'r canllawiau statudol, yn defnyddio'r termau "landlord" a "lesddeiliad" yn y drefn honno. Mae'r canllawiau statudol yn nodi bod lesddeiliad yn denant sy'n berchen ar fuddiant lesddaliadol mewn eiddo, wedi’i roi gan berson (y landlord) sy’n meddu ar y buddiant rhydd-ddaliadol neu’r buddiant lesddaliadol uwch yn yr eiddo hwnnw.¹

Mae'r polisi hwn yn berthnasol i unrhyw benderfyniad a wneir gan y Cyngor yn rhinwedd ei swyddogaeth fel "awdurdod gorfodi" o dan adran 8 o'r Ddeddf.

Trosolwg  o Sancsiynau

Cosbau Ariannol

Mae'r Ddeddf yn darparu y gall y Cyngor osod cosbau ariannol o isafswm o £500 hyd at uchafswm o £30,000 am ddiffyg cydymffurfio perthnasol ag adran 3(1) o'r Ddeddf, pan fo'r Cyngor yn fodlon y tu hwnt i amheuaeth resymol fod diffyg cydymffurfio perthnasol wedi digwydd.

Gorchmynion Adfer

Mae'r Ddeddf hefyd yn darparu y gall y Cyngor orchymyn i’r landlord, neu berson sy'n gweithredu ar ei ran, a dderbyniodd y rhent gwaharddedig², gan fynd yn groes i adran 3(1) o'r Ddeddf, ad-dalu'r lesddeiliad oedd wedi’i dalu, pan fo'r Cyngor yn fodlon ar sail y pwysau tebygolrwydd bod diffyg cydymffurfio perthnasol wedi digwydd.

Ni all y Cyngor orchymyn bod person yn ad-dalu'r rhent gwaharddedig os yw lesddeiliad wedi gwneud cais o dan adran 13 o'r Ddeddf i'r Tribiwnlys Haen Gyntaf (Siambr Eiddo) yn Lloegr neu'r Tribiwnlys Prisio Lesddaliad yng Nghymru (yn y naill gyd-destun neu'r llall byddwn yn cyfeirio at y fforwm perthnasol fel "y Tribiwnlys") mewn perthynas â'r un taliad.

Pan fo unrhyw ran o ddau daliad neu fwy o rent gwaharddedig a wnaed gan lesddeiliad o dan yr un brydles heb gael ei had-dalu, gall y Cyngor wneud un gorchymyn mewn perthynas â'r holl rent gwaharddedig sydd heb ei ad-dalu.

Proses

1 Paragraff 10 o Ganllawiau Statudol DLUHC a Pharagraff 2.6 o Ganllawiau Statudol Llywodraeth Cymru

2 Adran 10(2) Deddf Diwygio Lesddaliad (Rhent Tir) 2022

Mae'r penderfyniad i roi, a'r broses o roi, cosb ariannol a/neu orchymyn adfer yn digwydd mewn sawl cam:

• ymchwilio i'r achos honedig o dorri'r Ddeddf
• penderfynu ar ddifrifoldeb y diffyg cydymffurfio
• hysbysiad o fwriad i roi cosb ariannol a/neu orchymyn adfer
• cyfnod ar gyfer gwneud sylwadau ysgrifenedig
• adolygu’r sylwadau hynny, os cânt eu rhoi
• rhybudd terfynol yn gorfodi’r gosb ariannol a/neu'r gorchymyn adfer

Gall y Cyngor gyflwyno un hysbysiad o fwriad ac un rhybudd terfynol mewn perthynas â chosb ariannol a gorchymyn adfer³.

Mathau eraill o gamau gweithredu y gellir eu cymryd

Bydd y Cyngor yn penderfynu ar y gosb fwyaf priodol ac effeithiol ac a ddylid rhoi cosb ariannol a/neu orchymyn adfer. O dan amgylchiadau priodol, rhoddir ystyriaeth i gamau llai ffurfiol megis llythyrau rhybuddio neu gyngor i sicrhau cydymffurfiaeth, yn unol â pholisi gorfodi perthnasol y Cyngor.

Pennu lefel y gosb ariannol

Yn unol â darpariaethau'r canllawiau statudol, bydd y Cyngor yn ystyried y ffactorau canlynol wrth benderfynu ar lefel y gosb ariannol i'w rhoi am dorri'r Ddeddf:

• difrifoldeb y diffyg cydymffurfio
• man cychwyn ac ystod
• ffactorau sy’n gwaethygu a lliniaru
• tegwch a chymesuredd

Er bod gan y Cyngor ddisgresiwn i benderfynu ar y lefel briodol o gosb ariannol, o fewn y cyfyngiadau a nodir gan y Ddeddf, rhoddwyd ystyriaeth i'r canllawiau statudol wrth greu'r polisi hwn.

Cam 1 – Pennu’r Difrifoldeb

Po fwyaf difrifol yw'r diffyg cydymffurfio, yr uchaf fydd y gosb ariannol.

3 Atodlen ss.2(2) a 5(3) Deddf Diwygio Lesddaliad (Rhent Tir) 2022

Bydd y Cyngor yn asesu difrifoldeb y diffyg cydymffurfio gan ddefnyddio'r ffactorau euogrwydd a niwed a nodir isod. Nid yw'r ffactorau a restrir yn hollgynhwysfawr, ac os nad yw diffyg cydymffurfio’n disgyn yn daclus i gategori arbennig, efallai y bydd angen pwysoli rhywfaint ar bob ffactor unigol er mwyn gwneud asesiad cyffredinol. Gellir cymhwyso ffactorau dewisol eraill hefyd er cysondeb a gallai’r Cyngor ystyried penderfyniadau mewn awdurdodaethau eraill yn y DU lle mae eu cynnwys yn berthnasol a pherswadiol.

Euogrwydd

Lle mae mwy o euogrwydd, bydd y gosb ariannol yn uwch.

Uchel iawn (Bwriadol*)Uchel	(Di-hid*) Canolig	(Esgeulus*)	Ychydig iawn/Dim
Pan fo'r landlord wedi torri'r gyfraith yn fwriadol neu ei diystyru'n amlwg, neu â phroffil cyhoeddus uchel ac yn gwybod bod ei weithredoedd yn anghyfreithlon	Yn gallu rhagweld o ddifrif, neu’n fwriadol ddall i, risg o dorri’r gyfraith ond wedi cymryd y risg serch hynny	Diffyg cydymffurfio’n cael ei gyflawni drwy weithred neu anweithred na fyddai person sy'n arfer gofal rhesymol yn ei gyflawni	Diffyg cydymffurfio’n digwydd heb lawer o fai ar y sawl sy’n ei gyflawni, er enghraifft: cafodd ymdrechion sylweddol eu gwneud i ddelio â'r risg ond roeddent yn annigonol ar yr achlysur dan sylw nid oedd unrhyw rybudd/amgylchiadau’n nodi bod yna risg roedd y methiannau’n rhai mân ac wedi digwydd fel achos ynysig

* Dyma'r termau a ddefnyddir yn y canllawiau statudol.

Niwed

Lle mae mwy o niwed yn cael ei achosi, bydd y gosb ariannol yn uwch.

Mae'r ffactorau canlynol yn ymwneud â niwed gwirioneddol a risg o niwed. Mae delio â risg o niwed yn golygu ystyried pa mor debygol yw hi y bydd niwed yn digwydd a faint o niwed fydd yn digwydd os yw'n digwydd.

Uchel (Tebygolrwydd Uchel o Niwed)	Canolig (Tebygolrwydd Canolig o Niwed)	Isel (Tebygolrwydd Isel o Niwed)
Effaith/effeithiau niweidiol difrifol ar unigolyn/unigolion ac/neu’n cael effaith fawr oherwydd natur a/neu faint busnes y Landlord Risg uchel o gael effaith andwyol ar unigolyn/unigolion - gan gynnwys pobl agored i niwed	Effaith andwyol ar unigolyn/unigolion (nad yw’n gyfystyr â niwed "uchel" – uchod). Risg ganolig o effaith andwyol ar unigolyn/unigolion neu risg isel o effaith andwyol ddifrifol Lesddeiliad a/neu landlordiaid yn cael eu tanseilio'n sylweddol gan yr ymddygiad Gwaith y Cyngor fel rheoleiddiwr yn cael ei rwystro Lesddeiliad neu ddarpar lesddeiliad yn cael eu camarwain	Risg isel o effaith andwyol ar lesddeiliaid presennol neu ddarpar lesddeiliaid Y cyhoedd yn cael eu camarwain ond ychydig neu ddim risg o effaith andwyol gwirioneddol ar unigolyn/unigolion

Bydd y Cyngor yn diffinio niwed yn eang a gall y lesddeiliad/lesddeiliaid ddioddef colled ariannol, niwed i iechyd neu drallod seicolegol (yn enwedig mewn achosion o bobl fregus). Mae yna raddfeydd o niwed o fewn yr holl gategorïau hyn.

Bydd natur niwed yn dibynnu ar nodweddion ac amgylchiadau personol y lesddeiliad a bydd asesu niwed yn ffordd effeithiol a phwysig o ystyried effaith achos penodol o ddiffyg cydymffurfio ar y lesddaliad.

Mewn rhai achosion, efallai na fydd unrhyw niwed gwirioneddol wedi digwydd, a bydd y Cyngor yn mynd ati i asesu difrifoldeb y camymddwyn; bydd yn ystyried y tebygolrwydd bod niwed yn digwydd a difrifoldeb y niwed a allai ddigwydd.

Cam 2 – Pwyntiau cychwyn ac ystod y categorïau

Ar ôl penderfynu ar gategori’r diffyg cydymffurfio, bydd y Cyngor yn cyfeirio at y mannau cychwyn a'r ystodau categori isod i gyrraedd y lefel briodol o gosb ariannol. Yna, bydd y Cyngor yn ystyried addasiad pellach o fewn yr ystod categori ar gyfer nodweddion sy’n gwaethygu a lliniaru (cam 3).

Euogrwydd Isel/Dim	Man Cychwyn (£)	Lleiaf  swm (£)	Uchaf swm (£)
Niwed	1,000	500	1,500
Niwed Canolig	1,500	1,000	2,000
Niwed Uchel	2,000	1,500	2,500

Euogrwydd Canolig	Man Cychwyn (£)	Lleiaf swm (£)	Uchaf swm (£)
Niwed Isel	3,500	2,500	4,500
Niwed Canolig	4,500	3,500	5,500
Niwed Uchel	5,500	4,500	6,500

Euogrwydd Uchel	Man Cychwyn (£)	Lleiaf swm (£)	Uchaf swm (£)
Niwed Isel	8,000	6,000	10,000
Niwed Canolig	9,500	7,500	11,500
Niwed Uchel	11,000	9,000	13,000

Euogrwydd Uchel Iawn	Man Cychwyn (£)	Lleiaf swm (£)	Uchaf swm (£)
Niwed Isel	15,000	11,000	19,000
Niwed Canolig	16,500	13,000	21,000
Niwed Uchel	22,500	15,000	30,000

Sawl Achos o Ddiffyg Cydymffurfio

Yn gyffredinol, bydd landlord, neu berson sy’n gweithredu ar ei ran, sy’n torri’r rheolau ar sawl achlysur mewn perthynas ag un brydles yn agored i un gosb ariannol yn unig.⁴ Fodd bynnag byddant yn agored i gosb arall os ydynt wedyn, ar ôl cael cosb ariannol am dorri’r rheolau yn y gorffennol, yn torri rheolau eto mewn perthynas â'r un brydles.⁵

Pan fo person wedi peidio â chydymffurfio ar un achlysur neu fwy mewn perthynas â dwy brydles neu fwy, gall y Cyngor hefyd ddewis rhoi un gosb ariannol ar gyfer pob un o’r achosion hynny gyda'i gilydd.⁶ Os caiff un gosb ei gosod ar gyfer mwy nag un achos o ddiffyg cydymffurfio, ni ddylai swm y gosb fod yn llai na’r isafswm posibl, ac ni ddylai fod yn fwy na’r uchafswm posibl, y gellid bod wedi neu a fyddai wedi cael ei osod pe bai pob achos wedi cael ei gosbi ar wahân.

4 Adran 9(3) Deddf Diwygio Lesddaliad (Rhent Tir) 2022

5 Paragraff 5.2 o Ganllawiau Statudol DLUHC a Pharagraff 5.2 o Ganllawiau Statudol Llywodraeth Cymru

6 Adran 9(5) Deddf Diwygio Lesddaliad (Rhent Tir) 2022

Cael gwybodaeth ariannol

Mae'r canllawiau statudol yn cynghori y gallai cael gwybodaeth ariannol gan y landlord helpu i ystyried yr hyn sy'n fan cychwyn ac yn ystod briodol, ar sail modd y landlord. Os yw'r landlord yn gorff corfforaethol, gall y Cyngor ystyried gwybodaeth sydd ar gael am ei drosiant neu gyfwerth⁷.

Mae gan y Cyngor bwerau ymchwilio o dan Atodlen 5, Deddf Hawliau Defnyddwyr 2015 i ymchwilio i achosion o dorri'r Ddeddf.

Cam 3 – Ffactorau sy’n gwaethygu a lliniaru

Isod mae rhestr o rai o’r ffactorau y gall y Cyngor eu hystyried wrth asesu gwerth cosb ariannol, ond nid pob un ohonynt. Bydd y Cyngor yn nodi a ddylai unrhyw gyfuniad o'r rhain, neu ffactorau perthnasol eraill, arwain at addasiad i fyny neu i lawr o'r man cychwyn. Yn benodol, mae euogfarnau perthnasol heb eu disbyddu yn debygol o arwain at addasiad sylweddol i fyny. Mewn rhai achosion, ar ôl ystyried y ffactorau hyn, efallai y byddai'n briodol symud y tu allan i'r ystod categori a nodwyd na fydd yn uwch na'r uchafswm statudol a ganiateir yn unrhyw achos.

Ffactorau Gwaethygu (Materion sy’n cynyddu difrifoldeb)

Ffactorau Lliniaru (Materion sy'n lleihau difrifoldeb)

os yw'r lesddeiliad yn unigolyn bregus hanes cydymffurfio’r landlord neu euogfarnau blaenorol sy'n gysylltiedig â'r diffyg cydymffurfio p’un a oedd peidio â chydymffurfio wedi’i ysgogi gan fudd ariannol os bu unrhyw rwystr i gyfiawnder unrhyw ymgais fwriadol i guddio’r gweithgarwch neu dystiolaeth tystiolaeth sefydledig o effaith ehangach / ar y gymuned ymgais i rwystro'r ymchwiliad hanes o gydymffurfio gwael gwrthod cyngor neu hyfforddiant

lefel uchel o gydweithredu â'r ymchwiliad, y tu hwnt i'r hyn a ddisgwylir bob amser tystiolaeth o gamau gwirfoddol i unioni'r diffyg cydymffurfio, gan gynnwys ad-dalu rhent gwaharddedig yn brydlon tystiolaeth o resymau iechyd sy'n atal cydymffurfio rhesymol (iechyd meddwl gwael, materion iechyd annisgwyl a/neu bryderon iechyd brys) dim achos blaenorol o ddiffyg cydymffurfio cymeriad da ac/neu ymddygiad rhagorol y landlord yn unigolyn agored i niwed, lle mae ei sefyllfa fregus yn gysylltiedig â'r diffyg cydymffurfio sy'n cael ei gyflawni derbyn euogrwydd

1 Paragraff 6(4)(b) o Ganllawiau Statudol DLUHC a Pharagraff 6(4)(b) o Ganllawiau Statudol Llywodraeth Cymru

Cam 4 – Tegwch a Chymesuredd

Dylai lefel y gosb ariannol adlewyrchu i ba raddau y disgynnodd yr ymddygiad islaw'r safon ofynnol. Dylai'r gosb ariannol, mewn ffordd deg a chymesur, fodloni’r amcanion o gosbi, atal a dileu enillion a gafwyd yn sgil y diffyg cydymffurfio.

Mae'r ffactorau y gellid eu hystyried yn cynnwys:

• unrhyw wybodaeth ariannol berthnasol arall sydd ar gael, fel maint yr elw i gorff corfforaethol neu’r ddyled sydd gan landlord. Dylai hyn ystyried a fyddai'r gosb ariannol yn cael effaith anghymesur ar allu'r landlord i gydymffurfio â'r gyfraith yn y dyfodol neu ganlyniadau anfwriadol eraill (e.e. bod landlord mewn perygl o golli ei gartref ei hun)
• effaith ariannol ehangach ar drydydd parti (e.e. effaith ar staff cyflogedig)
• egwyddor cyfanrwydd: os yw rhoi cosb ariannol am fwy nag un achos o ddiffyg cydymffurfio (yn ymwneud â dwy brydles neu fwy), neu os yw'r landlord eisoes wedi cael cosb, rhaid i'r Cyngor ystyried a yw cyfanswm y cosbau ariannol yn gyson â'r Ddeddf ac yn gyfiawn ac yn gymesur mewn perthynas â'r achosion o dorri rheolau

Ni ddylai cosb ariannol ar gyfer mwy nag un achos o dorri rheolau fynd y tu hwnt i derfynau isaf ac uchaf cosbau, fel pe bai pob achos wedi'i drin ar wahân.

Ni ddylai fod yn rhatach i dorri'r Ddeddf nag i dalu cosb ariannol.

Cam 5 – Gorchmynion Adfer

Os yw’r Cyngor yn fodlon, ar sail cydbwysedd tebygolrwydd, fod person wedi torri adran 3(1) o'r Ddeddf, ac nad yw wedi ad-dalu unrhyw rent gwaharddedig i’r lesddeiliad cyn diwedd y cyfnod o 28 diwrnod sy'n dechrau’r diwrnod ar ôl iddo gael ei dderbyn, gallai’r Cyngor benderfynu cyhoeddi gorchymyn adfer o dan adran 10 o'r Ddeddf.

Gall y Cyngor gyflwyno gorchymyn adfer yn lle, neu yn ychwanegol at, gosb ariannol.

Ni all y Cyngor orchymyn person i ad-dalu'r rhent gwaharddedig os yw lesddeiliad wedi gwneud cais o dan adran 13 o'r Ddeddf i'r Tribiwnlys mewn perthynas â'r un taliad.

Pan fo unrhyw ran o ddau daliad neu fwy o rent gwaharddedig a wnaed gan lesddeiliad o dan yr un brydles heb ei had-dalu, gall y Cyngor gyflwyno un gorchymyn mewn perthynas â'r holl rent gwaharddedig sydd heb ei ad-dalu.

Cam 6 – Cofnodi'r penderfyniad

Bydd y swyddog sy'n gwneud penderfyniad am gosb ariannol a/neu orchymyn adfer yn cofnodi ei benderfyniad gan roi rhesymau dros bennu swm y gosb ariannol a fydd yn cael ei gosod ac unrhyw delerau sy’n perthyn i’r gorchymyn adfer.

Cyflwyno Cosb Ariannol a/neu Hysbysiad o Fwriad Gorchymyn Adfer

Ar ôl penderfynu ar lefel y gosb ariannol, a/neu'r angen i gyflwyno gorchymyn adfer, bydd y Cyngor yn rhoi "Hysbysiad o Fwriad" i'r landlord, neu berson perthnasol, o fewn y terfynau amser a bennir yn y Ddeddf⁸.

Bydd Hysbysiad o Fwriad yn cynnwys:

• y dyddiad y cyflwynwyd yr hysbysiad;
• swm y gosb ariannol arfaethedig neu delerau'r gorchymyn adfer arfaethedig;
• y rheswm dros osod y gosb neu gyflwyno’r gorchymyn; a
• gwybodaeth am yr hawl i gyflwyno sylwadau.

Sylwadau Ysgrifenedig

Bydd gan landlord neu berson perthnasol sy'n derbyn Hysbysiad o Fwriad gyfnod o 28 diwrnod, gan ddechrau ar y dyddiad y cyflwynwyd yr Hysbysiad o Fwriad, i gyflwyno sylwadau ysgrifenedig am y cynnig i gyflwyno gorchymyn cosb ariannol a/neu orchymyn adfer a'r telerau ynddo. Bydd y sawl sy’n derbyn yr hysbysiad yn cael cyfarwyddiadau ar sut i gyflwyno eu sylwadau ysgrifenedig mewn ymateb i'r hysbysiad.

Adolygiad o Gosb Ariannol a/neu Orchymyn Adfer

Bydd y Cyngor yn adolygu unrhyw sylwadau ysgrifenedig a dderbynnir ac yn ystyried unrhyw ffactorau sy'n awgrymu gostyngiad yn y gosb, neu dynnu'r hysbysiad a/neu'r gorchymyn yn ôl, yn briodol.

Wrth wneud hynny, bydd y Cyngor yn ystyried y ffactorau canlynol sy'n ymwneud ag effeithiau ehangach y gosb ariannol ar drydydd parti diniwed, megis (ond heb fod yn gyfyngedig i):

• Effaith y gosb ariannol ar allu'r Landlord neu'r Asiant i gydymffurfio â'r gyfraith neu unioni ei gam lle bo hynny'n briodol.
• Effaith y gosb ariannol ar gyflogi staff, defnyddwyr y gwasanaeth, cwsmeriaid a'r economi leol.

8 Atodlen ss.3(1) Deddf Diwygio Lesddaliad (Rhent Tir) 2022

Bydd y ffactorau canlynol yn cael eu hystyried wrth bennu lefel y gostyngiad. Wrth benderfynu ar unrhyw ostyngiad mewn cosb ariannol, rhoddir ystyriaeth i:

• Y cam yn ystod yr ymchwiliad neu ar ôl hynny pan wnaeth y troseddwr dderbyn atebolrwydd.
• Yr amgylchiadau lle gwnaethant gyfaddef eu bod yn atebol.
• Graddau eu cydweithredu â'r ymchwiliad.

Y lefel uchaf o ostyngiad mewn cosb ar ôl derbyn atebolrwydd fydd un rhan o dair. Mewn rhai amgylchiadau, bydd gostyngiad llai neu ddim gostyngiad o gwbl. Gall hyn ddigwydd, er enghraifft, os oes tystiolaeth helaeth o'r diffyg cydymffurfio neu os oes patrwm o ddiffyg cydymffurfio.

Ni ddylai unrhyw ostyngiad arwain at gosb sy'n llai na’r swm a enillwyd yn sgil y diffyg cydymffurfio.

Gall y Cyngor ystyried diwygio telerau unrhyw orchymyn adfer yn ystod yr adolygiad hwn.

Rhybudd Terfynol

Ar ôl diwedd y cyfnod o 28 diwrnod ar gyfer sylwadau ysgrifenedig, bydd y Cyngor yn penderfynu a ddylid rhoi Hysbysiad Terfynol yn manylu ar werth y gosb ariannol a/neu orchymyn adfer. Os cynhwysir gorchymyn adfer o fewn yr hysbysiad terfynol, gall y Cyngor ychwanegu llog at y taliad hwn ar y gyfradd a ragnodir o dan adran 17 o Ddeddf Dyfarniadau 1838⁹ (8% y flwyddyn) o'r diwrnod y cafodd y taliad rhent gwaharddedig ei wneud.

Bydd yr hysbysiad terfynol yn ei gwneud yn ofynnol i dalu dirwy’r gosb i'r Cyngor ac/neu i gydymffurfio â gorchymyn adfer cyn diwedd y cyfnod o 28 diwrnod sy'n dechrau’r diwrnod ar ôl diwrnod cyflwyno’r hysbysiad terfynol.

Bydd yr hysbysiad terfynol yn nodi:

• dyddiad cyflwyno’r hysbysiad terfynol.
• swm y gosb neu delerau'r gorchymyn.
• y rhesymau dros osod y gosb neu wneud y gorchymyn.
• gwybodaeth am sut i dalu'r gosb neu gydymffurfio â'r gorchymyn.
• gwybodaeth am hawliau apelio; a
• chanlyniadau methu â chydymffurfio â'r hysbysiad.

9 Adran 11(4) Deddf Diwygio Lesddaliad (Rhent Tir) 2022

Tynnu'n ôl neu ddiwygio

Gall y Cyngor, ar unrhyw adeg, dynnu’n ôl neu ddiwygio'r hysbysiad o fwriad neu’r hysbysiad terfynol, gan gynnwys lleihau swm y gosb, y gosb neu'r gofyniad am orchymyn adfer. Pan fydd hynny'n digwydd, bydd y Cyngor yn ysgrifennu at y person y cyflwynwyd yr hysbysiad iddo.