Clwb Codi Pwysau Pontrhydyfen
Gwelliannau i'r gampfa gymunedol
Cyllid a ddyfarnwyd: £5,687
Helpodd buddsoddiad gan Gronfa Effaith Balchder Bro i wella cyfleusterau ffitrwydd Clwb Codi Pwysau Pontrhydyfen drwy osod offer campfa newydd yng Nghanolfan Gymunedol Pontrhydyfen.
Disodlodd y prosiect hen offer gyda dewisiadau modern a dibynadwy sy'n cefnogi hyfforddiant cryfder, symudedd a lles corfforol. Mae'r buddsoddiad wedi rhoi mynediad i drigolion lleol at gyfleusterau gwell, gan greu amgylchedd mwy diogel a chyfforddus i bobl o bob oed gadw'n heini.
Gwelliannau a wnaed
- gosod peiriant newydd i gefnogi cryfder y cefn, osgo a lles corfforol
- disodli hen offer campfa
- gosod rac dumbelau safon broffesiynol
- darparu mainc codi pwysau newydd gyda gwell sefydlogrwydd a chymorth
- gwella diogelwch a dibynadwyedd y cyfleusterau hyfforddi
Manteision i'r gymuned
Mae'r prosiect wedi moderneiddio'r cyfleusterau hyfforddi, gan sicrhau bod offer diogel, dibynadwy ac o safon uchel ar gael i'w ddefnyddio.
Cyn y gwaith, roedd angen cynnal a chadw rhai darnau o offer yn rheolaidd, gan effeithio ar eu hargaeledd a chynyddu costau rhedeg. Mae'r offer newydd yn fwy dibynadwy, gan leihau amhariadau a chefnogi hyfforddiant mwy cyson.
Mae'r buddsoddiad hefyd wedi gwella diogelwch a chysur yn y gampfa. Mae ychwanegu rac dumbelau a mainc codi pwysau newydd wedi creu amgylchedd mwy trefnus ac wedi ehangu'r ystod o weithgareddau sydd ar gael.
Mae aelodau wedi ymateb yn gadarnhaol i'r newidiadau, gan ganmol ansawdd a rhwyddineb defnyddio'r offer. Mae'r gampfa bellach yn cefnogi pobl rhwng 15 a 77 oed, gan helpu i wella ffitrwydd, symudedd a lles.
Yn ogystal â chefnogi iechyd corfforol, mae'r clwb yn rhoi cyfle i bobl gymdeithasu a meithrin cysylltiadau mewn amgylchedd croesawgar a chefnogol.
Edrych ymlaen
Bydd yr offer newydd yn galluogi'r clwb i barhau i gefnogi aelodau presennol a denu mwy o bobl i gymryd rhan mewn gweithgarwch corfforol.
Drwy ddarparu cyfleusterau modern a dibynadwy, mae'r prosiect wedi helpu i sicrhau bod y gampfa yn parhau'n adnodd gwerthfawr i'r gymuned. Bydd yn parhau i gefnogi iechyd a lles pobl leol, gan roi cyfleoedd iddynt gadw'n heini, datblygu hyder a gwneud cysylltiadau newydd am flynyddoedd i ddod.