Clwb Rygbi Llansawel
Cadw'r gwres i mewn
Cyllid a ddyfarnwyd: £5,200
Helpodd buddsoddiad gan Gronfa Effaith Balchder Bro i wella diogelwch a chynaliadwyedd adeilad y clwb drwy ariannu'r gwaith o gael gwared ar ddeunyddiau asbestos peryglus.
Roedd y gwaith yn gam cyntaf hanfodol mewn rhaglen ehangach o welliannau i foderneiddio'r cyfleuster a sicrhau ei ddyfodol fel man gwerthfawr i'r gymuned. Drwy fynd i'r afael â phroblemau sylweddol yn yr adeilad, mae'r prosiect wedi creu sylfaen ar gyfer buddsoddiad a gwelliannau pellach.
Gwelliannau a wnaed
- cael gwared yn ddiogel ar ddeunyddiau asbestos peryglus
- gwaith paratoi i gefnogi gwelliannau yn y dyfodol
- galluogi gosod ffenestri newydd
- gwella cyflwr a chynaliadwyedd cyffredinol yr adeilad
Manteision i'r gymuned
Mae'r prosiect wedi helpu i greu amgylchedd mwy diogel a chroesawgar i bawb sy'n defnyddio'r clwb.
Drwy gael gwared ar yr asbestos, aethpwyd i'r afael â mater iechyd a diogelwch sylweddol, gan roi tawelwch meddwl i aelodau, ymwelwyr a grwpiau lleol.
Mae'r gwaith hefyd wedi paratoi'r ffordd ar gyfer gwelliannau pellach, gan gynnwys gosod ffenestri newydd. O ganlyniad, mae'r adeilad yn fwy cyfforddus ac yn fwy effeithlon o ran ynni, gan ddarparu lle gwell ar gyfer gweithgareddau a digwyddiadau drwy gydol y flwyddyn.
Mae hyn yn golygu bod y clwb mewn sefyllfa well i gefnogi pobl leol drwy ddarparu lle diogel, hygyrch a chynaliadwy i gyfarfod, cymryd rhan mewn gweithgareddau a mwynhau bywyd cymunedol.
Edrych ymlaen
Mae'r prosiect wedi helpu i sicrhau dyfodol hirdymor y clwb drwy greu sylfaen ar gyfer buddsoddiad a gwelliannau pellach.
Gyda'r adeilad bellach yn fwy diogel ac yn fwy effeithlon o ran ynni, gall barhau i wasanaethu'r gymuned leol am flynyddoedd i ddod. Bydd y clwb yn parhau i gefnogi gweithgareddau a digwyddiadau sy'n dod â phobl ynghyd ac yn cryfhau cysylltiadau cymunedol.