Gwneud gwahaniaeth yng Nghastell-nedd Port Talbot
Trosolwg
Mae Cronfa Ffyniant Gyffredin y DU (CFfGDU) yn helpu i wella cymunedau ledled Castell-nedd Port Talbot.
Mae'r cyllid yn cefnogi prosiectau lleol sy'n:
- creu swyddi
- gwella mannau cymunedol
- dod ag adeiladau gwag yn ôl i ddefnydd
Yn ystod 2025 i 2026, cafodd 11 o brosiectau fwy na £1 miliwn o gyllid drwy'r Gronfa Gyfalaf Adfywio.
Mae Cyngor Castell-nedd Port Talbot yn rheoli'r gronfa gyda chymorth Llywodraeth y DU.
Grantiau a chyllid
Yn ystod 2025 i 2026, dyfarnodd Cyngor Castell-nedd Port Talbot £1,046,725 i 11 o brosiectau drwy'r Gronfa Gyfalaf Adfywio.
Mae'r cyllid wedi helpu i:
- ddod ag adeiladau gwag yn ôl i ddefnydd
- gwella cyfleusterau cymunedol
- cefnogi busnesau lleol
- creu a diogelu swyddi
- gwella lleoedd lleol
- cefnogi prosiectau mwy gwyrdd
Nodweddion y prosiect
Hyppo Hydrogen
Helpodd y cyllid i drawsnewid uned wag yn Bay Studios yn Ganolfan Arloesi Hydrogen newydd. Roedd y gwaith yn cynnwys atgyweiriadau, uwchraddio'r system drydanol a gwella mynediad i ddefnyddwyr. Gallai'r ganolfan gefnogi hyd at 17 o fusnesau a 120 o swyddi.
Prosiectau Bioamrywiaeth
Creodd prosiectau yng Ngorsaf Dân Gwaun Cae Gurwen a Gorsaf Dân Cymer ardaloedd gwyrdd newydd. Roedd y gwaith yn cynnwys plannu gwrychoedd, toeau gwyrdd a llochesi beiciau sy'n gyfeillgar i fywyd gwyllt. Mae'r gwelliannau hyn yn cefnogi bywyd gwyllt lleol a llesiant cymunedol.
Solar Centric
Ailddatblygodd Solar Centric adeilad gwag yng Nghrymlyn Burrows. Mae'r adeilad bellach yn weithle modern ac ynni-effeithlon ar gyfer tri busnes lleol. Mae'r gwelliannau'n cynnwys goleuadau LED, gwydr dwbl ac inswleiddio gwell.
Clwb Bechgyn a Merched Baglan
Gosododd y clwb lifoleuadau LED newydd ym Meysydd Chwarae Evans Bevan. Gall chwaraewyr bellach hyfforddi a chwarae gemau ar nosweithiau tywyllach. Mae'r prosiect yn helpu mwy o bobl i gymryd rhan mewn chwaraeon drwy gydol y flwyddyn.
Oriel
Edrychwch ar rai o'r prosiectau a ariannwyd drwy Gronfa Ffyniant Gyffredin y DU (CFfGDU).
