Goresgyn rhwystrau i gyflogaeth
Trosolwg
Roedd Hywel eisiau gweithio fel Swyddog Strategaeth Drafnidiaeth gyda Chyngor Castell-nedd Port Talbot.
Roedd yn wynebu her. Oherwydd problemau iechyd, nid oedd yn gallu gyrru mwyach. Roedd hyn yn ei gwneud hi'n anodd iddo fodloni gofyniad trafnidiaeth y swydd.
Gweithiodd Hywel gyda'i fentor, Sam Peebles, ac Arweinydd y Tîm, Neil Sullivan, i ddod o hyd i ateb.
Nodweddion y prosiect
Rhoddodd y tîm gymorth i Hywel a oedd wedi'i deilwra i'w anghenion.
Roedd hyn yn cynnwys:
- mentora un i un
- cymorth gyda'i CV
- hyfforddiant ar gyfer cyfweliadau
- cymorth gyda cheisiadau am swyddi
Er mwyn ei helpu i gyrraedd y gwaith, darparwyd:
- beic
- cyfarpar diogelu personol (PPE) ar gyfer beicio
- dillad addas
Rhoddodd hyn ffordd ddibynadwy o deithio i Hywel a'i helpu i ddechrau ei swydd newydd yn hyderus.
Canlyniadau'r prosiect
Gyda'r cymorth cywir, llwyddodd Hywel i sicrhau swydd amser llawn fel Swyddog Strategaeth Drafnidiaeth gyda Chyngor Castell-nedd Port Talbot.
Dechreuodd mewn rôl sy'n cyd-fynd â'i sgiliau a'i nodau gyrfa.
Adborth
"Roeddwn i eisiau dweud diolch yn fawr wrth Dîm Cyflogadwyedd CNPT am gael y beic i mi. Mae'n golygu cymaint. Rydych chi wedi gwneud mwy na'r disgwyl i fy nghefnogi, a bydd hyn yn gwneud gwahaniaeth enfawr."
- Hywel Purchase