Canmoliaeth a chwynion
Trosolwg
Rydym am ddarparu gwasanaethau o safon dda i bawb, p’un a ydynt yn byw, yn gweithio yn neu’n ymweld â Chastell-nedd Port Talbot. Hoffem wybod beth yw eich barn am ein gwasanaethau a’n cyfleusterau.
Rhowch eich sylwadau, canmoliaeth neu gŵyn.
Os hoffech roi gwybod i ni am unrhyw un o’n gwasanaethau a/neu’n cyfleusterau:
- defnyddiwch ein ffurflen gyswllt
- gofynnwch i’r person rydych mewn cysylltiad ag ef/hi am gopi o’r ffurflen sylwadau, canmoliaethau a chwynion. Os ydych yn gwneud cwyn, dywedwch eich bod am i’ch cwyn gael ei thrin yn ffurfiol.
- dewch i’n gweld wyneb yn wyneb yn ein Gwasanaethau Cwsmeriaid yng Nghastell-nedd a Phort Talbot
- ffoniwch ni ar 01639 686868 neu ar ein llinell ffôn Gymraeg 01639 686869
- ysgrifennwch atom drwy lythyr
Sut rydym yn ymdrin â chwynion
Dylai proses effeithiol ar gyfer ymdrin â chwynion fod yn:
- canolbwyntio ar yr achwynydd
- syml
- teg ac wrthrychol
- brydlon ac effeithiol
- atebol
- wedi ymrwymo i welliant parhaus
Byddwn yn ceisio datrys cwyn gychwynnol ar unwaith. Os na ellir gwneud hyn, bydd rheolwr y gwasanaeth yn ymchwilio i’r gŵyn. Os nad ydych yn fodlon â’r canlyniad, bydd y gŵyn yn cael ei chyfeirio at Swyddog Cwynion.
Gallwch hefyd wneud cwyn i Ombwdsmon Gwasanaethau Cyhoeddus Cymru ar unrhyw adeg. Cyn cysylltu â’r Ombwdsmon, maent yn disgwyl eich bod wedi:
- codi’r mater gyda’r corff perthnasol
- rhoi cyfle rhesymol iddynt ymchwilio ac ymateb
Pa mor hir y bydd yn ei gymryd i ddatrys eich cwyn
Os na allwn ddatrys eich cwyn ar unwaith, byddwn yn ymchwilio iddi. Byddwch yn clywed gennym o fewn 10 diwrnod gwaith.
Os bydd angen i Swyddog Cwynion edrych ar eich cwyn, byddwch yn clywed gennym o fewn 20 diwrnod gwaith.
Os na ellir cwrdd ag unrhyw derfynau amser, byddwn yn eich hysbysu ac yn rhoi dyddiad newydd i chi.
Polisi sylwadau, canmoliaethau a chwynion
Os oes gennych gŵyn am ysgol, cysylltwch â’r pennaeth neu lywodraethwyr yr ysgol honno.
Cwynion diogelu data
Mae Cyngor Bwrdeistref Sirol Castell-nedd Port Talbot wedi ymrwymo i drin gwybodaeth bersonol yn gyfreithlon, yn deg ac yn dryloyw. Os ydych yn anfodlon ar y ffordd rydym wedi casglu, defnyddio, rhannu neu reoli eich data personol, mae gennych hawl i wneud cwyn diogelu data gyda ni.
