Cymorth busnes Pontio Tata

Mae'r Cronfa Pontio'r Gadwyn Gyflenwi  wedi’i hoedi i ymholiadau newydd ar hyn o bryd, wrth i geisiadau gael eu hadolygu.

Os ydych chi wedi eich lleoli yng Nghastell-nedd Port Talbot, ac wedi gweld gostyngiad yn eich busnes, ac yr hoffech ddatblygu cynlluniau i droi at farchnadoedd neu gwsmeriaid newydd, anfonwch e-bost at business@npt.gov.uk er mwyn i ni roi cyngor i chi ar gael mynediad at gyllid amgen.

Os ydych chi wedi eich lleoli yn rhywle arall yng Nghymru, cysylltwch â Busnes Cymru drwy ffonio eu Llinell Gymorth ar 03000 6 03000.

Mae grantiau gwerth rhwng £1,000 ac £20,000 ar gael er mwyn helpu gweithwyr Tata Steel a gweithwyr eraill yn y gadwyn gyflenwi ledled Cymru y mae'r broses bontio wedi effeithio arnynt er mwyn eu helpu i ailhyfforddi neu ddysgu sgiliau newydd ar gyfer y farchnad gyflogaeth.

Grantiau gwerth hyd at £50,000 er mwyn helpu unigolion yng nghadwyn gyflenwi Tata Steel UK yr effeithiwyd arnynt a chyflogeion Tata Steel UK (gan gynnwys perthnasau uniongyrchol sy'n byw ar yr un aelwyd) sydd am ddechrau eu busnesau eu hunain neu fod yn hunangyflogedig, a'r rhai sydd eisoes yn rhedeg busnes bach/cyfnod cynnar o bosibl.

Caiff y cymorth dechrau busnes ei roi drwy ddull partneriaeth, lle y bydd Cyngor Castell-nedd Port Talbot yn gweinyddu'r gronfa grantiau a gwasanaeth Busnes Cymru Llywodraeth Cymru yn rhoi cyngor a chymorth arbenigol arall.

Os ydych chi'n ystyried dechrau busnes newydd neu fod yn hunangyflogedig, neu os ydych chi eisoes yn rhedeg busnes bach, e-bostiwch Busnes Cymru yn selfemployment@businesswales.org neu ewch i https://businesswales.gov.wales/cy/cymorth-busnes-cymru-ar-gyfer-proses-bontio-tata-steel er mwyn i chi allu dechrau cael cyngor a chofrestru ar gyfer y grant.

Mae’r Gronfa Cadernid Busnes wedi’i hoedi i ymholiadau newydd ar hyn o bryd, wrth i geisiadau gael eu hadolygu.

Os ydych chi wedi gweld gostyngiad yn eich busnes, ac yn dymuno cefnogaeth i ddatblygu ffrydiau incwm newydd, ystyried effeithiau ar gyflogaeth, neu archwilio mynediad i gyllid amgen, cofrestrwch gyda Busnes Cymru drwy ffonio eu Llinell Gymorth ar 03000 6 03000.

Mae’r Gronfa Twf wedi’i hoedi i ymholiadau newydd ar hyn o bryd, wrth i geisiadau gael eu hadolygu.

Os ydych chi’n dymuno ymestyn eich busnes drwy dyfu cyflogaeth neu drwy archwilio cyfleoedd newydd i fynd i’r farchnad, anfonwch e-bost at business@npt.gov.uk er mwyn i ni roi cyngor i chi ar gael mynediad at gyllid amgen.