Cronfa Twf Economaidd a Buddsoddi

Mewn ymateb i gynlluniau datgarboneiddio Tata Steel (UK) a'r ailstrwythuro cysylltiedig ar eu safle ym Mhort Talbot, sefydlwyd Cronfa Twf Economaidd a Buddsoddi. Mae’r gronfa’n cynnwys £6.78 miliwn oddi wrth Lywodraeth y DU a £5 miliwn oddi wrth Tata Steel UK.

Mae'r gronfa yn ceisio cefnogi prosiectau twf a fydd yn darparu buddion economaidd hirdymor, yn ysgogi buddsoddiad newydd ac yn creu swyddi newydd cynaliadwy yn ardaloedd yr  awdurdodau lleol sy'n cael eu heffeithio fwyaf.  

Gellir dyfarnu grantiau rhwng £300,001 a £1.5m @ 70% o gostau cyfalaf a refeniw cymwys i ymgeiswyr llwyddiannus. Mewn amgylchiadau eithriadol, gallai hyn godi i £2m.  

Bydd y gronfa yn cefnogi prosiectau sy'n:  

• denu ac yn annog buddsoddiad a thwf
• cynyddu cynhyrchiant a meithrin arloesedd
• creu a diogelu cyflogaeth gynaliadwy gwerth uchel
• gwella seilwaith ac eiddo busnes

Efallai y bydd eich busnes yn gymwys i wneud cais os yw:

• yn ardaloedd awdurdodau lleol Pen-y-bont ar Ogwr, Castell-nedd Port Talbot neu Abertawe neu'n lleoli yno
• yn Fenter Fach neu Ganolig (BBaCh) neu'n ganolfan elw annibynnol ar gyfer grŵp  
• wedi bod yn masnachu'n weithredol am o leiaf 24 mis 

AC

• yn gweithredu mewn sector allweddol, h.y.  rhoddir blaenoriaeth i fusnesau sy'n gweithredu ym maes Gweithgynhyrchu Uwch Gwerth Uchel, Ynni Gwyrdd ac Ynni Adnewyddadwy, Deunyddiau ac Economi Gylchol (gan gynnwys y rhai sy'n cefnogi'r sector Dur), Digidol/Technoleg, Niwclear, Peirianneg, Medd-Tech, Amddiffyn, Adeiladu, Dal, Defnyddio a Storio Carbon (CCUS), Cynhyrchu Hydrogen a diwydiannau sy'n gysylltiedig â'r economi werdd

Bydd busnesau sydd â'r potensial i gryfhau'r gadwyn gyflenwi leol ac sy'n gysylltiedig â throsglwyddo Tata Steel UK i wneud dur gwyrdd, Ffermydd Gwynt Arnofiol ar y Môr (FLOW), Llanw, a diwydiannau eraill, hefyd yn gymwys i wneud cais os gallant ddangos tystiolaeth o fudd sylweddol i'r economi leol.  

Ar gyfer ffurflen gais neu unrhyw gwestiynau ac ymholiadau, anfonwch e-bost at: tsukgrantqueries@npt.gov.uk

I’n galluogi i ymateb yn gynt i chi, a wnewch chi gynnwys yn eich e-bost:

• enw cyswllt
• enw busnes
• rhif ffôn cyswllt
• lleoliad y busnes – Pen-y-bont ar Ogwr, Castell-nedd Port Talbot neu Abertawe