Prosiectau i Ieuenctid

Mae'r gronfa hon ar gael i swyddogion heddlu cymunedol neu grwpiau cymunedol eraill wneud cais am gymorth ariannol tuag at gostau prosiectau sy’n cynnwys pobl ifanc nad ydynt yn rhan o unrhyw weithgarwch cymunedol ar hyn o bryd mewn gweithgareddau dargyfeiriol, er mwyn cael mwy o ddiddordeb a chynyddu nifer y bobl ifanc sy'n cymryd rhan. Uchafswm y grant ar gyfer pob cais yw £500. Bydd angen costau manwl ar gyfer pob cais.

Amcanion y gronfa:

• lleihau nifer y troseddau lleol a chadw mwy o bobl ifanc allan o drafferth;
• gwella cyfleoedd a chyfleusterau i bobl ifanc yn eu cymunedau lleol;
• ysgogi diddordeb mewn gwaith gwirfoddol;
• helpu i gryfhau cymunedau lleol;
• gwella ansawdd bywyd y gymuned.

Pwy gaiff wneud cais?

• swyddogion heddlu cymunedol;
• grwpiau cymunedol sy'n gweithio gyda phobl ifanc.

Uchafswm y grant: £500 y cais y flwyddyn

Gwariant cymwys:

Nid yw hyn yn gyfyngedig ond gallai gynnwys:

• cyfarpar;
• rhent;
• gorbenion;
• costau cludiant;
• oriau gweithwyr sesiynol.

Meini Prawf Asesu:

Bydd angen barnu pob cais yn ôl ei rinweddau ond rhaid iddo fodloni'r meini prawf canlynol:

• ei fod yn cynnwys pobl ifanc;
• mae ganddo gysylltiadau â Diogelwch Cymunedol;
• mae'n ceisio cyflawni nodau'r grant;
• mae'n bodloni meini prawf y cais.

Fel rhan o'r asesiad, ymgynghorir â'r Cynghorydd lleol ynghylch y cais. Y Bwrdd Adfywio Economaidd a Chymunedol y Cabinet fydd yn gwneud y penderfyniadau terfynol ynghylch ceisiadau.

Os cymeradwyir y cais, rhaid cyflwyno adroddiad byr i'r Bwrdd Economaidd a Chymunedol ar ddiwedd y prosiect gan werthuso llwyddiant y prosiect, gan gynnwys gwybodaeth berthnasol am berfformiad.