Gwybodaeth Ychwanegol am Ofal Plant

Yn ystod tymor yr ysgol, bydd y cynnig yn cynnwys o leiaf 10 awr o addysg gynnar yr wythnos. Ar ben hynny, bydd y gyfran o addysg gynnar ac oriau gofal plant yn dibynnu ar nifer yr oriau o addysg gynnar a gynigir gan bob ysgol unigol.

Yn ystod tymor yr ysgol, ni all plentyn dderbyn mwy na chyfanswm o 30 awr o ofal plant a ariennir a darpariaeth addysg gynnar. Er enghraifft, os bydd ysgol yn cynnig 15 awr o ddarpariaeth addysg gynnar bob wythnos, gellir darparu uchafswm o 15 awr o ofal plant a ariennir yn ychwanegol at hyn.

Mae gan blant hawl i dair wythnos o wyliau ar gyfer pob tymor llawn y mae ganddynt fynediad at y cynnig (uchafswm o 9 wythnos o wyliau mewn blwyddyn ysgol). Mae gan bob plentyn hawl i 30 awr o ofal plant a ariennir yn ystod ei wythnosau gwyliau dewisol.

RHIF YR WYTHNOS O WYLIAU	ENW ARFEROL	DECHRAU	DIWEDD
1	Hanner tymor yr hydref/mis Hydref	31/10/2022	06/11/2022
2	Gwyliau'r Nadolig	26/12/2022	01/01/2023
3	Gwyliau'r Nadolig	02/01/2023	08/01/2023
4	Hanner tymor y gwanwyn/mis Chwefror	20/02/2023	26/02/2023
5	Gwyliau'r Pasg	03/04/2023	09/04/2023
6	Gwyliau'r Pasg	10/04/2023	16/04/2023
7	Hanner tymor yr haf/y Sulgwyn	29/05/2023	04/06/2023
8	Gwyliau'r Haf – Wythnos 1	24/07/2023	30/07/2023
9	Gwyliau'r Haf – Wythnos 2	31/07/2023	06/08/2023
10	Gwyliau'r Haf – Wythnos 3	07/08/2023	13/08/2023
11	Gwyliau'r Haf – Wythnos 4	14/08/2023	20/08/2023
12	Gwyliau'r Haf – Wythnos 5	21/08/2023	27/08/2023
13	Gwyliau'r Haf – Wythnos 6	28/08/2023	03/09/2023

Newid yn fy Amgylchiadau Cyflogaeth​

Os bydd eich amgylchiadau'n newid, gallwch gyflwyno 'Cyfnod Esemptio Dros Dro' ar gyfer y Cynnig Gofal Plant. Bydd Cyfnod Esemptio Dros Dro 8 wythnos yn berthnasol i rieni y mae eu hamgylchiadau wedi newid tra'u bod yn derbyn y Cynnig Gofal Plant, sy'n golygu nad ydynt yn gymwys mwyach. Disgwylir i rieni roi gwybod i'w hawdurdod lleol a'u darparwr cyn gynted ag y bydd eu hamgylchiadau'n newid.