Archwiliadau hylendid bwyd
Rydym yn archwilio busnesau bwyd i sicrhau eich bod yn dilyn cyfraith bwyd ac yn cynhyrchu bwyd diogel.
Yn ystod archwiliad, byddwn yn edrych ar:
- eich safle
- sut rydych yn gweithio
- eich system rheoli diogelwch bwyd
- y mathau o fwyd rydych yn eu paratoi
Gallwn ymweld â’ch safle am wahanol resymau, gan gynnwys:
- archwiliadau hylendid a safonau bwyd
- samplu
- ymchwilio i gwynion
- ymweliadau cynghori
Mae gennym yr hawl i fynd i mewn ac archwilio eich busnes ar unrhyw adegau rhesymol. Nid ydym fel arfer yn gwneud apwyntiadau a gallwn ymweld heb rybudd.
Pa mor aml rydym yn ymweld
Mae rhai busnesau bwyd yn peri mwy o risg i’r cyhoedd nag eraill.
Rydym yn defnyddio dull seiliedig ar risg i benderfynu pa mor aml i archwilio eich safle.
Mae hyn yn cynnwys:
- y math o fwyd rydych yn ei drin
- sut mae’r bwyd yn cael ei baratoi a’i drin
- maint eich busnes
- eich lefel o gydymffurfiaeth yn y gorffennol
Caiff busnesau risg uwch eu harchwilio’n amlach.
Ar ôl yr archwiliad
Ar ôl i ni archwilio eich busnes, byddwn yn:
- egluro ein canfyddiadau
- rhoi cyngor ar sut i wella
- gadael adroddiad ysgrifenedig i chi
- rhoi sgôr hylendid bwyd i chi
Camau gorfodi
Gallwn gymryd camau gorfodi i ddiogelu iechyd y cyhoedd.
Gall hyn gynnwys:
- rhoi hysbysiad cyfreithiol
- argymell erlyniad
- cau eich busnes
Byddwn yn rhoi amser i chi wneud gwelliannau oni bai bod risg uniongyrchol i iechyd y cyhoedd.
