Ymateb i sgôr hylendid bwyd

Os ydych yn fodlon ar eich sgôr hylendid bwyd, gallwch ofyn i ni i gyhoeddi’n gynnar.

Os ydych yn anghytuno â’ch sgôr, neu wedi gwneud gwelliannau, mae gennych 3 dewis:

gofyn am ail-arolygiad
apelio’r sgôr
cyflwyno hawl i ymateb

Gofyn am ail-arolygiad

Gallwch ofyn am ail-arolygiad os ydych wedi cywiro’r problemau a nodwyd yn ystod eich arolygiad.

I wneud cais am ail-arolygiad, rhaid i chi:

cwblhau’r ffurflen gais am ail-arolygiad gan yr Asiantaeth Safonau Bwyd
talu £255 ymlaen llaw
anfon y ffurflen wedi’i chwblhau atom drwy e-bost

Byddwn yn adolygu eich cais ac yn trefnu ail-ymweliad.

Apelio yn erbyn sgôr hylendid bwyd

Gallwch apelio eich sgôr hylendid bwyd o fewn 21 diwrnod i’w derbyn.

I wneud apêl, rhaid i chi gwblhau a dychwelyd ffurflen apelio’r Cynllun Sgorio Hylendid Bwyd.

Ymateb i benderfyniad sgôr hylendid bwyd

Mae gennych 'hawl i ymateb' i’ch sgôr hylendid. Mae hyn yn caniatáu i chi esbonio beth rydych wedi’i wneud ers eich arolygiad.

Er enghraifft, efallai y byddwch am ddweud wrth gwsmeriaid:

pa welliannau rydych wedi’u gwneud
os oedd amgylchiadau anarferol ar adeg yr arolygiad

Bydd eich ymateb yn cael ei gyhoeddi gyda’ch sgôr hylendid.