Datganiad I'r Wasg
Gwasanaeth Coffa Blynyddol Sul y Blodau’n dychwelyd i Amlosgfa Margam yn 2023
15 Mawrth 2023
Hoffai Cyngor Castell-nedd Port Talbot atgoffa preswylwyr fod y Gwasanaeth Sul y Blodau blynyddol ar gyfer y rheiny a amlosgwyd yn Amlosgfa Margam yn ailddechrau.
Eleni, arweinir y gwasanaeth gan y Tad Ben Andrews o Eglwys St Theodore, Port Talbot, a’r côr gwadd fydd Côr Serenata (Cyfarwyddwr Cerdd, Matthew Lewis).
Yr organydd fydd Mair Jones.
Bydd y gwasanaeth yn dechrau yn Amlosgfa Margam am 3pm ar Sul y Blodau, 2 Ebrill, 2023.
Yn flynyddol, rydym wedi bod yn cynnal Gwasanaeth Coffa ar y diwrnod hwn i gofio’r rhai a amlosgwyd yn Amlosgfa Margam, ond mae bwlch wedi bod oherwydd pandemig Covid-19 ers 2019.
Bellach, hoffai’r cyngor a’r Tad Andrews groesawu’n ôl unrhyw un a hoffai gymryd rhan yn y seremoni flynyddol hon.