Helô oddi wrth un o bartneriaid y prosiect gwych hwn - Coed Lleol.
Coed Lleol yw'r enw a ddefnyddir ar gyfer y Gymdeithas Coed Bach yng Nghymru. Rydym yn helpu i wella iechyd a lles pobl ar draws Cymru drwy weithgareddau sy'n seiliedig ar goetir a natur.
Wrth i fisoedd tywyll y gaeaf nesáu, mae llawer o bobl yn profi hwyliau isel, diffyg egni a lefelau straen uwch (yn enwedig tua diwedd y mis...) felly roeddem am rannu ambell awgrym syml â chi am sut i ddefnyddio natur i wella'ch hwyliau - ac ychydig o'r wyddoniaeth y tu ôl i hyn.
I ddechrau - pam fod angen gwasanaethau cysylltu â natur?
Esblygodd bodau dynol mewn amgylchedd gwahanol iawn i'r hyn rydym yn ei brofi o ddydd i ddydd heddiw. Yn anffodus, ni all esblygiad ddatblygu ar yr un cyflymder â'r newidiadau yn ein ffordd o fyw! Rydym wedi ein rhaglennu'n fiolegol i fyw mewn amgylchedd gwahanol iawn o hyd. Er enghraifft, pryder ac adrenalin: esblygodd ein hymateb 'ymladd neu ffoi' i gynyddu ein perfformiad corfforol mewn sefyllfaoedd peryglus. Fodd bynnag, yn ystod y cyfnod modern mae'r ymateb hwnnw yn aml yn cael ei danio mewn amgylcheddau lle na allwn ddefnyddio'r cynnydd mewn adrenalin (er enghraifft, mae teimlo straen mewn swyddfa yn wahanol iawn i redeg i ffwrdd o deigr ysgithrog!), felly nid yw'r adrenalin yn cael ei ddefnyddio'n iawn ac rydym yn profi symptomau corfforol negyddol.
Mae hyn yn digwydd gyda llawer o brosesau eraill mae ein corff yn eu profi, yn enwedig mewn perthynas â straen, blinder a newyn.
Manylion ailddefnyddio llun
Arddangoswyd bod dod i gysylltiad â natur yn gwella iechyd mewn amrywiaeth enfawr o ffyrdd, gan gynnwys;
Pan rydym yn treulio amser ym myd natur, mae ein cyrff yn ein gwobrwyo mewn sawl ffordd wahanol. Dyma gipolwg ar rai o'r papurau gwyddonol sy'n profi sut mae dod i gysylltiad â natur yn gwella'ch lles corfforol a meddyliol a hyd yn oed yn lleihau marwolaethau.
- Reduction of Stress (Olafsdottir, Cloke & Vogele, 2017)
- Reduced mortality from cardiovascular disease (Donovan et al. 2013)
- Improved mood (Joye & Bolderdijk, 2015)
- Reduced allergies (Hanski et al., 2012)
- Slowing of cognitive ageing (Cherrie et al., 2012)
- Improved cognitive ability (Berman, Jonides & Kaplan, 2008)
- Increased frequency of exercise (Gladwell et al., 2013)
- Increased life satisfaction (Korpela et al, 2008)
- Social connection (Chen et al, 2013)
- Improved quality of intergenerational communication (Cameron-Faulkner, Melville and Gattis, 2018)
- Better sleep hygiene (Stothard et al, 2017)
- Managing symptoms of ADHD (Taylor and Kuo, 2009)
Pan rydym yn treulio amser ym myd natur neu o amgylch gwrthrychau naturiol, rydym yn profi buddion fel: llai o straen, hwyliau gwell, gostyngiad mewn alergeddau, arafu heneiddio'n feddyliol a gwella'n gallu gwybyddol, mwy o foddhad mewn bywyd, gwell cysylltiadau cymdeithasol, cysgu'n well ac yn hwy, rheoli symptomau ADHD a phoen cronig a gwell penderfyniadau o ran ffordd o fyw (fel cynnydd mewn symud ac ymarfer corff).
Ecotherapi
Mae ecotherapi (y mae ganddo sawl enw arall hefyd fel gofal gwyrdd, y Gwasanaeth Iechyd Cenedlaethol ac ymyriadau sy'n seiliedig ar natur) yn fath ffurfiol o driniaeth therapiwtig sy'n cynnwys gwneud gweithgareddau awyr agored sy'n eich helpu i ymgysylltu â natur. Nid oes un diffiniad unigol ar gyfer ecotherapi oherwydd mae'n faes mor eang, ond fe'i defnyddir yn aml i ddisgrifio gweithgaredd strwythuredig, rheolaidd sy'n eich helpu i archwilio a gwerthfawrogi'r byd naturiol.
Yma yng Nghoed Lleol, rydym yn cynnal rhaglenni iechyd a lles yn ein hamgylcheddau awyr agored, sy'n aml yn cynnwys tasgau rheoli cynefinoedd neu weithgareddau crefft yn seiliedig ar natur sy'n hybu iechyd yn ddistaw bach. Mae ein rhaglenni wedi'u dylunio i hybu hunan-hyder, hunan-barch a rhyngweithio cymdeithasol wrth ganiatáu pobl i gysylltu â natur a lleihau arwahanrwydd cymdeithasol.
Dyma daflen waith i chi roi cynnig arni os oes gennych ddiddordeb mewn pwerau hudol natur ar gyfer ysgogi ymatebion biolegol cadarnhaol - beth am roi cynnig arni’ch hun?
Tynnu sylw doodling
-
Distraction Doodling (PNG 666 KB)
m.Id: 31890
m.ContentType.Alias: nptImage
mTitle: Distraction Doodling
mSize: 666 KB
mType: png
m.Url: /media/16910/hwb-winter-months-blog-pic-4-worksheet-cym.png
Os hoffech gofrestru'ch diddordeb ar gyfer ein sesiynau Sgiliau a Lles Adfer Mawndiroedd sydd ar ddod, neu ymuno â'n rhestr bostio, gallwch e-bostio ni yn: katiebarrett@smallwoods.org.uk
Os oes gennych ddiddordeb yn ein gwaith ond ni allwch gyrraedd ardal y Prosiect Adfer Mawndiroedd, gallwch roi cynnig ar rai o fideos gweithgareddau ar-lein Coed Lleol
Neu gallwch gael rhagor o wybodaeth am ein rhaglenni a'n cyrsiau ar-lein sydd ar ddod