Safleoedd Ymgeisiol

Yn unol â Chytundeb Cyflawni cymeradwy’r Cyngor ac yn rhan o’r cam paratoi cyn-adneuo, gwahoddwyd tirfeddianwyr, datblygwyr a phartïon eraill â diddordeb i enwebu ‘Safleoedd Ymgeisiol’ i’w cynnwys o bosib yn y Cynllun Datblygu Lleol Amnewid sy’n dod i’r amlwg ar gyfer Castell-nedd Port Talbot (CDLlA).

Mae’r Gofrestr Safleoedd Ymgeisiol (CSY) yn nodi manylion y safleoedd sydd wedi’u cyflwyno i’r Cyngor i’w hystyried a’u cynnwys o bosib yn y CDLlA. Mae’r CSY hon, sydd wedi’i chyhoeddi ar gyfer yr ymgynghoriad cyn-adneuo (Strategaeth a Ffefrir), yn cynnwys y safleoedd a gyflwynwyd yn ystod yr Alwad am Safleoedd yn 2022, yr Alwad am Safleoedd yn 2023 a’r Alwad am safleoedd Capasiti Trefol yn 2023. 

Yn rhan o’r ymgynghoriad ar y Strategaeth a Ffefrir, gall partïon â diddordeb gynnig sylwadau ar y safleoedd ymgeisiol a gyflwynwyd gan ddefnyddio’n ffurflen ymgynghori ar-lein.

I weld lleoliad ein holl safleoedd ymgeisiol, edrychwch ar ein map rhyngweithiol.

Noder: ar yr adeg hon, nid yw cynnwys safle ar y Gofrestr Safleoedd Ymgeisiol yn awgrymu y caiff safle ei ddyrannu yn y CDLlA sy’n cael ei ddatblygu, ac nid yw’n awgrymu ychwaith unrhyw ffafriaeth ar ran yr Awdurdod Cynllunio Lleol mewn perthynas â’i rinweddau.

Noder: yn unol â pharagraff 5.6.5 o’n Cytundeb Cyflawni, caiff unrhyw ddeisebau a dderbynnir eu cyfeirio at fanylion cyswllt y sawl sy’n trefnu’r ddeiseb. Ni anfonir cydnabyddiaeth at unigolion, ac ni chânt eu hychwanegu’n awtomatig i gronfa ddata’r ymgynghoriad. 

Gellir cyflwyno sylwadau hefyd I ni gan ddefnyddio’r ffurflen isod a:

• e-bostio sylwadau at ldp@npt.gov.uk; neu 
• bostio sylwadau atom yn Yr Adran Polisi Cynllunio, Y Ceiau, Ffordd Brunel, Castell-nedd SA11 2GG

Mae’r dogfennau hyn hefyd ar gael i’w gweld yn y lleoliadau canlynol:

• Canolfan Ddinesig Castell-nedd, Castell-nedd, SA11 3QZ
• Canolfan Ddinesig Port Talbot, SA13 1PJ
• Y Ceiau, Ffordd Brunel, Parc Ynni Baglan, Castell-nedd, SA11 2GG

Mae Astudiaeth Capasiti Trefol yn asesu’r potensial ar gyfer datblygiadau newydd mewn aneddiadau. Yn rhan o’r dystiolaeth gefndir i’r CDLlA, cynhaliwyd Astudiaeth Capasiti Trefol yn 2023 a hynny ochr yn ochr â’r Alwad am safleoedd Ymgeisiol yn 2023. Mae’r cyflwyniadau hyn hefyd wedi’u hymgorffori yn y Gofrestr Safleoedd Ymgeisiol a nodir uchod, o dan y teitl ‘Galwad am Safleoedd Ymgeisiol 2023’.